އިންފަންޓީނޯއާއެކު ކުރިއަށްގެންދިޔަ ފުޓްބޯޅަ ފެސްޓިވަލުގައި ރައީސް ބައިވެރިވެވަޑައިގެންފި

ދުނިޔޭގެ ފުޓްބޯޅައިގެ މައި ޖަމްޢިއްޔާ، ފީފާގެ ރައީސް ޖިއާނީ އިންފަންޓީނޯ ރާއްޖެއަށް ކުރެއްވި ޒިޔާރަތުގެ ތެރެއިން ބޭއްވި ފޯރިގަދަ ފުޓުބޯޅަ ފެސްޓިވަލްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ބައިވެރިވެވަޑައިގެންފިއެވެ.

ގައުމީ ފުޓުބޯޅަ ދަނޑުގައި މިއަދު ހަވީރު ކުރިއަށްދިޔަ މި ފެސްޓިވަލްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަދި ފީފާގެ ރައީސް ޖިއާނީ އިންފަންޓީނޯ  ބައްދަލުކުރެއްވި ޚާއްޞަ ފުޓުބޯޅަ މެޗެއް ކުރިއަށްގޮސްފައިވެއެވެ. މި މެޗުގައި ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް، ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ރައީސް އަޙްމަދު ޠާރިޤުގެ އިތުރުން ކެބިނެޓްގެ ވަޒީރުންނާއި ސަރުކާރުގެ އިސް ބޭފުޅުންވެސް ބައިވެރިވެވަޑައިގެންފައެވެ.

His Excellency President Dr @MMuizzu and FIFA President, His Excellency Gianni Infantino, participate in an exhibition match at the Kids’ Football Festival. The event is organised by the Football Association of Maldives to promote youth engagement and grassroots football… pic.twitter.com/l52Q7uEEuD

— The President's Office (@presidencymv) October 24, 2025

މިއަދު ކުރިއަށްދިޔަ  މި މެޗުގައި ރައީސް  ޑރ މުޢިއްޒު އަދި ފީފާގެ ރައީސްގެ އިތުރުން އިޓަލީއާއެކު ފީފާ ވޯލްޑް ކަޕް ކާމިޔާބުކުރި އެ ގައުމުގެ ތަރި މާކޯ މަޓެރާޒީ އާއި ރައީސްގެ ދަރިކަލުން އުމައިރު މުޙައްމަދު މުޢިއްޒު އަދި ރާއްޖޭގެ ފުޓްބޯޅަ ލެޖެންޑުންވެސް ބައިވެރިވެފައިވެއެވެ.

މިއީ އެފްއޭއެމްގެ ރައީސް އަޙްމަދު ޠާރިޤުގެ ދަޢުވަތަކަށް ދުނިޔޭގެ ފުޓްބޯޅައިގެ މައި ޖަމްޢިއްޔާ، ފީފާގެ ރައީސް ޖިއާނީ އިންފަންޓީނޯ ރާއްޖެއަށް ކުރެއްވި ފުރަތަމަ ޒިޔާރަތެވެ.