ރައީސުލްޖުމްހޫރިއްޔާ "ޤައުމީ ކުޅިވަރު ފަންޑު" ގާއިމުކުރުމަށް ނިންމަވައިފި

ދިވެހިރާއްޖޭގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު "ޤައުމީ ކުޅިވަރު ފަންޑު" ގެ ނަމުގައި އައު ފަންޑެއް ގާއިމުކުރުމަށް ނިންމަވައިފިއެވެ. މި ނިންމެވުން ނިންމަވާފައިވަނީ  ވަޒީރުންގެ މަޖިލީހުގެ ބައްދަލުވުމުގައި ކުރެވުނު މަޝްވަރާތަކަށްފަހު، އެ މަޖިލީހުގެ ލަފާގެ މަތިންނެވެ.

މި ފަންޑު ގާއިމުކުރުމުގެ މައިގަނޑު މަޤްޞަދަކީ ދިވެހި ކުޅުންތެރިންނާއި އެތުލީޓުން އިތުރުކޮށް، ކުޅިވަރު ކުރިއަރުވައި ތަރައްޤީކުރުމާއި، ދިވެހި ކުޅިވަރު ޖަމާޢަތް ނުވަތަ ކުޅިވަރު ޢާއިލާ ބާރުވެރިކުރާރުވެރިކުރުވުމެވެ. މިކަމާ ގުޅޭގޮތުން މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން ޢަބްދުﷲ ރާފިޢު ހުށަހެޅުއްވި ހުށަހެޅުއްވުމަކަށް ބިނާކޮށް ވަނީ މި ނިންމުން ނިންމަވާފައެވެ.

މީގެ އިތުރުން، ޤައުމީ ކުޅިވަރު ފަންޑު ގާއިމުކުރުމާ ގުޅިގެން ޤާނޫނު ނަންބަރު 30/2015 (ދިވެހިރާއްޖޭގެ ކުޅިވަރު ޤާނޫނު) އަށް ގެންނަންޖެހޭ ބަދަލުތައް ގެނައުމަށްޓަކައި ކުރަންޖެހޭ އެންމެހައި ކަންކަން ކުރިއަށް ގެންދިއުމަށްވެސް ވަޒީރުންގެ މަޖިލީހުގެ ބައްދަލުވުމުގައި ވަނީ ނިންމަވާފައެވެ.