މޫސުން ގޯސްވާނެ ކަމަށް ލަފާކޮށް، އުތުރުގެ އަތޮޅުތަކަށް ހުދު ސަމާލު ނެރެފި

މޫސުން ގޯސްވާނެ ކަމަށް ލަފާކޮށް، ރާއްޖޭގެ އުތުރުގެ އަތޮޅުތަކަށް މޫސުމާ ބެހޭ ޤައުމީ އިދާރާއިން ހުދު ސަމާލު ނެރެފިއެވެ.

މެޓު އޮފީހުން ހުދު ސަމާލު ނެރެފައިވަނީ ހއ. އަތޮޅުން ފެށިގެން ބ. އަތޮޅާ ހަމައަށެވެ. އެއީ މިއަދު މެންދުރު 14:50އިން ފެށިގެން މިރޭ 20:50އަށެވެ.

މޫސުމާ ބެހޭ އިދާރާއިން ހާމަކުރާ ގޮތުގައި، އެ ސަރަޙައްދަށް އިސްވެ ދެންނެވުނު މުއްދަތުގައި ބޯކޮށް ވާރޭވެހުމާ އެކު ގުގުރަމީ އެކަށީގެންވާ ކަމެކެވެ.

މޫސުމުން ރައްކާތެރިވުމަށް އެޅިދާނެ ބައެއް ފިޔަވަޅުތައް:

• ކަނޑުދަތުރުކުރާ ފަރާތްތަކާއި، ފެރީ އޮޕަރޭޓަރުންނާއި، ދަތުރުވެރީން، ވަޔާއި ކަނޑު ގަދަ ވަޤުތުތަކުގައި ކަނޑުދަތުރުފަތުރު ނުކުރުން
• ކޮންމެހެން ކުރަން ޖެހޭ ދަތުރުތައް ކުރުމުގެ ކުރިން މޫސުމާ ބެހޭ އެންމެ ފަހުގެ މަޢުލޫމާތު ހޯދުމާ އެކު ސަލާމަތީ ވަސީލަތްތައް ހަމަކަން ޔަޤީންކުރުން
• ވާރޭ ވެހޭއިރު މަގުމަތި ތެމި ކަހާލުންފަދަ ކަމެއް ދިމާވެދާނެ ކަމަށް ސަމާލުވުން
• މޫސުމާ ބެހޭ އިންޒާރުތަކަށް ސަމާލުވެ، ކަމާ ބެހޭ އިދާރާތަކުން ނެރޭ އިރުޝާދުތަކަށް ޢަމަލުކުރުން
• އުދައިގެ އަސަރު ކުރާ ޙިސާބުތަކުގައި ދިރިއުޅޭ ފަރާތްތަކުން، އެ ކަމަށް ސަމާލުވެ ރައްކާތެރިކަމުގެ ފިޔަވަޅު އެޅުން

Alert white for heavy rain pic.twitter.com/L1WmOgR6TV

— Maldives Meteorology (@MetMaldives) November 17, 2025