އަޅުގަނޑުމެންގެ ކުޑަކުދިންނަކީ އަޅުގަނޑުމެންގެ އުންމީދު: ރައީސް މުޢިއްޒު

 ދިވެހި ކުޑަކުދިންނަކީ ޤައުމުގެ އުންމީދު ކަމަށް ރައީސުލްޖުމްހޫރިއްޔާ ޑރ މުޙައްމަދު މުއިއްޒު ވިދާޅުވެއްޖެއެވެ.  

މިއަދު ފާހަގަކުރެވެޭ ބައިނަލް އަޤްވާމީ ކުޑަކުދިންގެ ދުވަހާއި ގުޅިގެން  އެކްސް ގައި ރައީސް ވަނީ ޕޯސްޓެއް ކުރައްވައިފައެވެ. 

މިޕޯސްޓުގައި ރައީސް މުޢިއްޒު ވަނީ ދުނިޔޭގެ އެހެން ކުދިންނާ އެކު ދިވެހިރާއްޖޭގެ ކޮންމެ ކުއްޖަކަށް ސަލާމަތާއި، ޢިއްޒަތާއި، ފުރުޞަތު ލިބިގެންވާ މުސްތަޤްބަލެއް ކަށަވަރުކޮށްދިނުމަށް އެއްބައިވަންތަކަމާއެކު މަސައްކަތްކުރުމަށް ގޮވާލައްވާފައެވެ. 

Today, on #WorldChildrensDay, we stand united in guaranteeing every child in the Maldives and beyond, a future of safety, dignity, and opportunity. Our children are our hope, the heart of our nation, and the foundation of a prosperous Maldives. Let’s work together to ensure they…

— Dr Mohamed Muizzu (@MMuizzu) November 20, 2025

ރައީސް ވިދާޅުވީ ކުޑަކުދިންގެ ހައްޤުތައް ރައްކާތެރިކުރުމަކީ ޤައުމީ ވާޖިބެކެވެ

"އަޅުގަނޑުމެންގެ ކުޑަކުދިންނަކީ އަޅުގަނޑުމެންގެ އުންމީދު، އަދި އަޅުގަނޑުމެންގެ ޤައުމުގެ ހިތެވެ. އަދި ކުރިއަރާ ދިވެހިރާއްޖެއެއްގެ ބިންގަލަކީ ވެސް އެ ކުދިންނެވެ." ރައީސުލްޖުމްހޫރިއްޔާ ވިދާޅުވިއެވެ. 

އެ މަނިކުފާނު ވަނީ، ކުޑަކުދިންނަށް ބޭނުންވާ ހުރިހާ ވަސީލަތްތަކާއި މާހައުލު ފޯރުކޮށްދީ، އެ ކުދިން ބޮޑުވެ، ކުރިއަރައިގެން ދިއުމަށްޓަކައި އެންމެން ގުޅިގެން މަސައްކަތްކުރުމަށް އިލްތިމާސް ކުރައްވާފައެވެ. އަދި ކޮންމެ ކުއްޖަކަށްޓަކައި މަސައްކަތްކުރުމަށް ދިވެހިރާއްޖޭގެ ރައްޔިތުންނަށް ގޮވާލައްވާފައިވެއެވެ.