Ads by Stelco

ޚަބަރު

ތޫފާން 'ޑިޓްވާ' ރާއްޖެއާ ދުރަށް ދަތުރުކުރަމުންދިޔަ ނަމަވެސް ކުރިއަށް އޮތް 24 ގަޑިއިރު ވިއްސާރަކުރާނެ: މެޓް

ތޫފާން 'ޑިޓްވާ' ރާއްޖެއާ ދުރަށް ދަތުރުކުރަމުންދިޔަ ނަމަވެސް ކުރިއަށް އޮތް 24 ގަޑިއިރު ވިއްސާރަކުރާނެ: މެޓް

ތޫފާން--

ޙައްވާ ޒައިބާ މުޙައްމަދު

ޙައްވާ ޒައިބާ މުޙައްމަދު

29 ނޮވެމްބަރު 2025، 01:40

29 ނޮވެމްބަރު 2025، 01:40

ތޫފާން 'ޑިޓްވާ' ރާއްޖެއާ ދުރަށް ދަތުރުކުރަމުންދިޔަ ނަމަވެސް ކުރިއަށް އޮތް 24 ގަޑިއިރު ރާއްޖެއަށް ވިއްސާރަކުރާނެ ކަމަށް މޫސުމާ ބެހޭ ޤައުމީ އިދާރާ، މެޓް އޮފީހުން ވިދާޅުވެއްޖެއެވެ.

މޫސުމާ ބެހޭ ޤައުމީ އިދާރާއިން ވިދާޅުވީ، މި ތޫފާން މިހާރު ދަތުރުކުރަމުންދަނީ ހއ. ތުރާކުނުގެ އިރު އުތުރުން ގާތް ގަނޑަކަށް 857 ކިލޯމީޓަރ ދުރުން ސްރީލަންކާގެ އުތުރު އައްސޭރި ފަށާއި ބޭ އޮފް ބެންގޯލްގެ ހުޅަނގު ދެކުނު ސަރަޙައްދުގައި ކަމަށާއި އެ ތޫފާނު ދަތުރުކުރާނެ ކަމަށް ލަފާކުރެވެނީ ހުނޅަގު އުތުރުން ރާއްޖެއާއި ދުރަށް ކަމަށެވެ. އަދި މާދަމާގެ ހެނދުނުގެ ވަގުތެއްގައި އެ ތޫފާން އިންޑިއާގެ އުތުރުގެ ތަމިލްނާޑޫ، ޕޮންޑިޗެރީ އަދި ދެކުނު އަންދްރާ ޕްރަދޭޝްގެ އައްސޭރިފަށަށް މިސްރާބު ޖެހާނެ ކަމަށް ލަފާކުރެވޭ ކަމަށް މެޓުން ވަނީ ވިދާޅުވެފައެވެ.

މި ތޫފާނުގެ ސަބަބުން ދެކުނު އިންޑިއާގެ ބައެއް ސަރަޙައްދުތަކަށް ބޯކޮށް ވާރޭވެހި ގަދަވަޔާއެކު ގުގުރަމުންދާކަމަށް އިންޑިއާގެ މޫސުމާ ބެހޭ ޤައުމީ އިދާރާއިން ވަނީ ވިދާޅުވެފައެވެ. އެގޮތުން ތަމިލްނާޑޫ، ރަޔަލަސީމާ، އައްސޭރިފަށުގެ އަންދްރާ ޕްރަދޭޝް އަދި ޔަނަމަށް އިއްޔެއިން ފެށިގެން ޑިސެމްބަރު 2 އާ ދެމެދު ވަރަށް ބޯކޮށް ވާރޭ ވެހޭނެ ކަމަށް ލަފާކޮށްފައިވާއިރު، މިއަދާއި މާދަމާ ކެރަލާ، މާހޭ، ތެލަންގަނާ އަދި ދެކުނު އިންޓީރިއާ ކަރްނާޓަކާއަށް ވެސް ބޯކޮށް ވާރޭވެހޭނެ ކަމަށް އިންޑިއާގެ މެޓުން ވަނީ ލަފާކޮށްފައެވެ.

މި ތޫފާނަކީ ސައިކްލޯނިކް ސްޓޯމެއް ކަމަށާއި ނުރައްކާތެރި ތޫފާނެއް ނޫން ކަމަށް އިންޑިއާގެ ރީޖަނަލް ވެދާ ޑިޕާޓްމަންޓުން ބުނެއެވެ.

Ads by MSS

މި ލިޔުން ކިޔާލުމުން