ރާއްޖޭގެ ތަރައްޤީގައި އޮސްޓްރޭލިޔާއިން އަދާކޮށްފައިވާ ދައުރުގެ އަގުވަޒަން ކުރަައްވާ ކަަމަށް ރައީސް ވިދާޅުވެއްޖެ

އޮސްޓްރޭލިޔާގެ ޤައުމީ ދުވަސް ނުވަތަ "އޮސްޓްރޭލިޔާ ޑޭ" ގެ މުނާސަބަތުގައި، އެ ޤައުމުގެ ސަރުކާރަށާއި ރައްޔިތުންނަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ތަހުނިޔާ ފޮނުއްވައިފިއެވެ.

މި މުނާސަބަތުގައި ރައީސުލްޖުމްހޫރިއްޔާ އެކްސްގައި ކުރެއްވި ޕޯސްޓެއްގައި ވަނީ، އޮސްޓްރޭލިޔާގެ ގަވަރުނަރު ޖެނެރަލް ހަރ އެކްސެލެންސީ ދަ އޮނަރަބަލް ސޭމް މޮސްޓިން އަދި ބޮޑުވަޒީރު އެންތަނީ އެލްބަނީޒްގެ އިތުރުން އެ ޤައުމުގެ ސަރުކާރަށާއި އެކުވެރި ރައްޔިތުންނަށް އިޚްލާޞްތެރިކަމާއެކު ތަހުނިޔާ އާއި ހެޔޮއެދުންތައް ފޮނުއްވާފައެވެ.

ރައީސުލްޖުމްހޫރިއްޔާގެ މެސެޖުގައި ވިދާޅުވީ، ރާއްޖޭގެ ތަރައްޤީގައި އޮސްޓްރޭލިޔާއަކީ ގާތް ބައިވެރިއެއްގެ ގޮތުގައި ރާއްޖެއިން އަބަދުވެސް ބަލައިގަންނަ ޤައުމެއް ކަމަށެވެ. އަދި ރާއްޖޭގެ ތަރައްޤީގެ އެކި ދާއިރާތަކުން އޮސްޓްރޭލިޔާއިން ވެދެމުންދާ އެހީތެރިކަމާއި އަދާކުރާ ދައުރުގެ އަގު ވަރަށް ބޮޑަށް ވަޒަންކުރައްވާ ކަމަށްވެސް އެމަނިކުފާނު ވިދާޅުވިއެވެ.

On Australia Day, I wish to extend heartfelt felicitations to Governor-General HE the Hon Sam Mostyn AC, Prime Minister the Hon Anthony Albanese MP @AlboMP, the Government and the friendly people of Australia.

The Maldives deeply values Australia as a close partner in… pic.twitter.com/AOD2PscdVO

— Dr Mohamed Muizzu (@MMuizzu) January 26, 2026

މީގެ އިތުރުން، އޮސްޓްރޭލިޔާގެ ރައްޔިތުންނަށް ބާއްޖަވެރިކަމާއި، ކުރިއެރުމާއި ފާގަތިކަމުގެ އާ އުސްމިންތަކަކަށް ވާޞިލުވުމަށް އެދިވަޑައިގަންނަވާ ކަމަށްވެސް ރައީސުލްޖުމްހޫރިއްޔާގެ މެސެޖުގައި ބަޔާންކުރައްވާފައިވެއެވެ.