ޚަބަރު
ރައްޔިތުންނާ ގާތުން އައިޑީކާޑާއި ޕާސްޕޯޓުގެ ޚިދުމަތް ފޯރުކޮށްދޭން ފަށައިފި
އައިޑީކާޑް އާއި ޕާސްޕޯޓްގެ ހިދުމަތް މުޅި ރާއްޖެއަށް ފުޅާކޮށްދިނުމަށް ބޭއްވުނު ރަސްމިއްޔާތުގެ ތެރެއިން
ދިވެހި ރައްޔިތެއްކަން އަންގައިދޭ ކާޑާއި ޕާސްޕޯޓުގެ ޚިދުމަތް ރައްޔިތުންނާ ގާތުން އަވަހަށް ފޯރުކޮށްދިނުމުގެ ކަންކަން މުޅި ރާއްޖެއަށް ފުޅާކުރުމުގެ މަޝްރޫއު މިއަދު އިފްތިތާހުކޮށްފިއެވެ. ރައީސް އޮފީހުގައި އޮތް ޚާއްސަ ރަސްމިއްޔާތެއްގައި މި މަޝްރޫއު އިފްތިތާހުކޮށްދެއްވީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒެވެ.
މިހާތަނަށް މާލެއިން އެކަނި ލިބެމުން އައި އައިޑީކާޑާއި ޕާސްޕޯޓް ހެދުމުގެ ޚިދުމަތް ލާމަރުކަޒީ ނިޒާމުގެ ތެރެއިން ރައްޔިތުންނާ ގާތުން ދިނުމަކީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ވައުދުފުޅެކެވެ. މި މަޝްރޫއު އެއްކޮށް ނިންމުމަށް ހަމަޖެހިފައިވަނީ އަންނަ އަހަރުގެ ނިޔަލަށެވެ.
މި މަޝްރޫއުގެ ދަށުން މިއަހަރު 6 ތަނެއްގައި ދިވެހި ރައްޔިތެއްކަން އަންގައިދޭ ކާޑާއި ޕާސްޕޯޓުގެ ޚިދުމަތް ފަށާނެކަމަށް ވަނީ އިޢުލާނުކޮށްފައެވެ. މިގޮތުން ޕާސްޕޯޓުގެ ޚިދުމަތް ހުޅުމާލެ ފޭސް 1 އާއި ފޭސް 2 ގައާއި، ދ. ކުޑަހުވަދޫ އަދި ލ. ފޮނަދޫގައި ފެށޭނެއެވެ. އަދި އައިޑީކާޑުގެ ޚިދުމަތް ހުޅުމާލެ ފޭސް 1 އާއި ފޭސް 2 ގައާއި، ވިލިމާލެ އަދި ކުޅުދުއްފުށި ސިޓީގައި ފެށޭނެއެވެ.
މީގެ އިތުރުން، މި ރަސްމިއްޔާތުގައި ވަނީ ޕާސްޕޯޓު ދޫކުރުމުގެ ޚިދުމަތާއި އައިޑީކާޑު ޕްރިންޓް ކުރުމާއި ދޫކުރުމުގެ ޚިދުމަތް ފަށާނެ ރަށްރަށުގެ މަގުޗާޓުވެސް ހާމަކޮށްފައެވެ. މި މަގުޗާޓުގައި 2024 އިން ފެށިގެން 2025 ގެ ނިޔަލަށް އެކި އަތޮޅުތަކުގައި މި ޚިދުމަތްތައް ފަށާނެ ތާރީޚުތައް ވަނީ ހިމަނާފައެވެ.
މިއަހަރު ޕާސްޕޯޓްގެ ޚިދުމަތް ފަށާ ތަންތަން
- ހުޅުމާލެ ފޭސް 1
- ހުޅުމާލެ ފޭސް 2
- ދ. ކުޑަހުވަދޫ
- ލ. ފޮނަދޫ
މިއަހަރު އައިޑީކާޑުގެ ޚިދުމަތް ފަށާ ތަންތަން
- ހުޅުމާލެ ފޭސް 1
- ހުޅުމާލެ ފޭސް 2
- ވިލިމާލެ
- ކުޅުދުއްފުށި ސިޓީ
އަދި މި މަޝްރޫއުގެ ތެރެއިން، ރަށު ކައުންސިލްތައް މެދުވެރިކޮށް އައިޑީ ކާޑު ހައްދަން އެދެވޭނެ އިންތިޒާމު ފަހިކުރުމަށް ފަރުމާކޮށްފައިވާ "ނާރެސް" ޕޯޓަލްވެސް މިއަހަރުގެ ޖުލައި މަހު ވަނީ އިފްތިތާހުކޮށްފައެވެ. މި ޕޯޓަލް މެދުވެރިކޮށް އައިޑީކާޑުގެ ސްޓޭޓަސް ބެލުމާއި، މާލެއެކޭ އެއްފަދައިން އައިޑީ ކާޑު ދޫކުރުމާއި، އެޕްލިކޭޝަންތައް ބަލައިގަތުމުގެ ޚިދުމަތް ކައުންސިލްތަކަށް ލިބިގެންދާނެއެވެ.
މަގު ޗާޓު އެކުލަވާލާފައިވާ ގޮތް:
- ހއ.އިހަވަންދޫގައި ޕާސްޕޯޓުގެ ޚިދުމަތް ފަށާނީ އޮގަސްޓް 2025ގައި
- ހއ.އިހަވަންދޫގައި އައިޑީކާޑުގެ ޚިދުމަތް ފަށާނީ މޭ 2025ގައި
- ހދ. މަކުނުދޫގައި ޕާސްޕޯޓުގެ ޚިދުމަތް ފަށާނީ ސެޕްޓެމްބަރު 2025ގައި
- ހދ. މަކުނުދޫގައި އައިޑީކާޑުގެ ޚިދުމަތް ފަށާނީ ފެބްރުއަރީ 2025ގައި
- ށ. ފުނަދޫގައި ޕާސްޕޯޓުގެ ޚިދުމަތް ފަށާނީ ޑިސެމްބަރު 2024ގައި
- ށ. ފުނަދޫގައި އައިޑީކާޑުގެ ޚިދުމަތް ފަށާނީ ޖޫން 2025ގައި
- ށ. މިލަންދޫގައި ޕާސްޕޯޓުގެ ޚިދުމަތް ފަށާނީ ޖުލައި 2025ގައި
- ނ. ވެލިދޫގައި ޕާސްޕޯޓާއި އައިޑީކާޑުގެ ޚިދުމަތް ފަށާނީ ޖުލައި 2025ގައި
- ރ. އުނގޫފާރު، އަލިފުށީގައި ޕާސްޕޯޓާއި އައިޑީކާޑުގެ ޚިދުމަތް ފަށާނީ މެއި 2025ގައި
- ބ. ދަރަވަންދޫގައި ޕާސްޕޯޓުގެ ޚިދުމަތް ފަށާނީ ޑިސެމްބަރު 2024ގައި
- ބ. ދަރަވަންދޫގައި އައިޑީކާޑުގެ ޚިދުމަތް ފަށާނީ އޮގަސްޓް 2025ގައި
- ޅ. ނައިފަރުގައި ޕާސްޕޯޓުގެ ޚިދުމަތް ފަށާނީ އޭޕްރިލް 2025ގައި
- ޅ. ނައިފަރުގައި އައިޑީކާޑުގެ ޚިދުމަތް ފަށާނީ ސެޕްޓެމްބަރު 2025ގައި
- ކ. ގުރައިދޫ، ތުލުސްދޫގައި ޕާސްޕޯޓުގެ ޚިދުމަތް ފަށާނީ އޮކްޓޯބަރު 2025ގައި
- ކ. ގުރައިދޫ، ތުލުސްދޫގައި އައިޑީކާޑުގެ ޚިދުމަތް ފަށާނީ ނޮވެމްބަރު 2025ގައި
- އއ. ރަސްދޫގައި ޕާސްޕޯޓުގެ ޚިދުމަތް ފަށާނީ ސެޕްޓެމްބަރު 2025ގައި
- އއ. ރަސްދޫގައި އައިޑީކާޑުގެ ޚިދުމަތް ފަށާނީ އޮކްޓޯބަރު 2025ގައި
- އދ. މަހިބަދޫގައި ޕާސްޕޯޓުގެ ޚިދުމަތް ފަށާނީ މާރޗް 2025ގައި
- އދ. މަހިބަދޫގައި އައިޑީކާޑުގެ ޚިދުމަތް ފަށާނީ އޮގަސްޓް 2025ގައި
- ވ. ފެލިދޫގައި ޕާސްޕޯޓުގެ ޚިދުމަތް ފަށާނީ ޑިސެމްބަރު 2025ގައި
- ވ. ފެލިދޫގައި އައިޑީކާޑުގެ ޚިދުމަތް ފަށާނީ ނޮވެމްބަރު 2025ގައި
- މ. މުލީގައި ޕާސްޕޯޓުގެ ޚިދުމަތް ފަށާނީ އޮގަސްޓް 2025ގައި
- މ. މުލީގައި އައިޑީކާޑުގެ ޚިދުމަތް ފަށާނީ އޮކްޓޯބަރު 2025ގައި
- ފ. ނިލަންދޫގައި ޕާސްޕޯޓުގެ ޚިދުމަތް ފަށާނީ ޖޫން 2025ގައި
- ފ. ނިލަންދޫގައި އައިޑީކާޑުގެ ޚިދުމަތް ފަށާނީ ސެޕްޓެމްބަރު 2025ގައި
- ތ. ވޭމަންޑޫގައި ޕާސްޕޯޓުގެ ޚިދުމަތް ފަށާނީ ފެބްރުއަރީ 2025ގައި
- ތ. ވޭމަންޑޫގައި އައިޑީކާޑުގެ ޚިދުމަތް ފަށާނީ ޖުލައި 2025ގައި
- ލ. އަތޮޅުގައި އައިޑީކާޑުގެ ޚިދުމަތް ފަށާނީ ޖޫން 2025ގައި
- ގއ. އަތޮޅުގައި ޕާސްޕޯޓުގެ ޚިދުމަތް ފަށާނީ ޖަނަވަރީ 2025ގައި
- ގދ. ތިނަދޫގައި އައިޑީކާޑުގެ ޚިދުމަތް ފަށާނީ މާރޗް 2025ގައި
- ގދ. ގައްދޫގައި ޕާސްޕޯޓްގެ ޚިދުމަތް ފަށާނީ ޖޫން 2025ގައި
- ޏ. އަތޮޅުގައި އައިޑީކާޑުގެ ޚިދުމަތް ފަށާނީ އޭޕްރިލް 2025ގައި
- އައްޑޫސިޓީގެ މަރަދޫގައި އައިޑީކާޑުގެ ޚިދުމަތް ފަށާނީ އޭޕްރިލް 2025ގައި
މި މަޝްރޫއުގެ ސަބަބުން ރާއްޖޭގެ އެކި ކަންކޮޅުތަކުގައި ދިރިއުޅޭ ރައްޔިތުންނަށް އައިޑީކާޑާއި ޕާސްޕޯޓުގެ ޚިދުމަތް ފަސޭހަކަމާއެކު ލިބިގެންދާނެކަމަށް ބެލެވެއެވެ.
