ރައީސުލްޖުމްހޫރިއްޔާގެ ދެކަނބަލުން "ޙާފިޒުންގެ ދަސްވެނިވުމުގެ ޖަލްސާ" ޝަރަފުވެރިކޮށްދެއްވައިފި

ކީރިތި ޤުރުއާން ހިތުދަސްކޮށް، ޙާފިޒުކަމުގެ ސަނަދު ހާސިލުކުރި ފަރާތްތަކުގެ އަގުވަޒަންކުރުމުގެ ގޮތުން ބޭއްވި "ޙާފިޒުންގެ ދަސްވެނިވުމުގެ ޖަލްސާ" ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު ޝަރަފުވެރިކޮށްދެއްވައިފިއެވެ.

އިސްލާމީ މަރުކަޒުގެ ޖަލްސާކުރާ މާލަމުގައި ބޭއްވި މި ރަސްމިއްޔާތަކީ ކީރިތި ޤުރުއާނާ ބެހޭ ޤައުމީ މަރުކަޒުން އިންތިޒާމުކޮށްގެން ބޭއްވި ޚާއްޞަ ޙަފުލާއެކެވެ. މި ޖަލްސާ ބޭއްވުމުގެ މައިގަނޑު މަޤޞަދަކީ ކީރިތި ޤުރުއާން މުޅިން ހިތުދަސްކޮށް، ދަސްވެނިވި ޙާފިޒުންގެ ކާމިޔާބީ ފާހަގަކޮށް އެފަރާތްތަކަށް ހިތްވަރު ދިނުމެވެ.

މި ރަސްމިއްޔާތުގައި ރައީސުލްޖުމްހޫރިއްޔާ ވަނީ ޙާފިޒުކަމުގެ ސަނަދު ހާސިލުކުރި ދަރިވަރުންނަށް ތާޖާއި މެޑަލް އަދި އިނާމު ހަވާލުކޮށްދެއްވާފައެވެ. މި ޖަލްސާގައި ސަރުކާރުގެ އިސްވެރިންނާއި، ދީނީ ޢިލްމުވެރިންގެ އިތުރުން ދަސްވެނިވި ޙާފިޒުންގެ ބެލެނިވެރިން ބައިވެރިވެވަޑައިގެންނެވިއެވެ.

President Dr @MMuizzu and First Lady @sajidhaamohamed attend the Huffaz Graduation Ceremony, held at the Islamic Centre.

The ceremony, organised by the National Centre for the Holy Quran, honoured the Huffaz for successfully memorising the Holy Quran. pic.twitter.com/KY9Wb1nLXh

— The President's Office (@presidencymv) March 1, 2026

މި ސަރުކާރުން ކީރިތި ޤުރުއާން އުނގަންނައިދިނުމަށާއި، ޤުރުއާން ހިތުދަސްކުރާ ފަރާތްތަކަށް ޚާއްޞަ އިސްކަމެއް ދެއްވާކަން ފާހަގަކުރެވެއެވެ. މިގޮތުން ޙާފިޒުން އުފެއްދުމަށް ހިތްވަރުދިނުމުގެ ގޮތުން ދައުލަތުން ދޭ އިނާޔަތްތައް އިތުރުކުރުމަކީ ރައީސް ޑރ. މުޢިއްޒުގެ ވަޢުދުފުޅުތަކުގެ ތެރޭގައި ހިމެނޭ ކަމެކެވެ.