މީދޫގެ ޚިދުމަތްތެރިޔާ މަރްހޫމް ޞިއްދީޤު ޢަލީގެ ޢާއިލާއަށް ރައީސްގެ ތަޢުޒިޔާ

ސަރުކާރުގެ ވަޒީފާގައި ހުންނަވައިގެން ދ. މީދޫއަށް ދިގުމުއްދަތަކަށް ޚިދުމަތްކުރެއްވި އެ ރަށު ސާޔާ، ޞިއްދީޤު ޢަލީ ނިޔާވުމާއި ގުޅިގެން ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އެ ޢާއިލާއަށް ތަޢުޒިޔާ ވިދާޅުވެއްޖެއެވެ.

ރައީސުލްޖުމްހޫރިއްޔާ އެކްސްގައި ޚިއްޞާ ކުރެއްވި ތަޢުޒިޔާގެ މެސެޖުގައި ވިދާޅުވީ، އަލްމަރްހޫމް ޞިއްދީޤު ޢަލީއަކީ 31 އަހަރަށްވުރެ ދިގު މުއްދަތެއްގައި މީދޫގެ އިސް މަޤާމުތަކެއް ފުރުއްވާ، އިޚުލާޞްތެރި ޚިދުމަތްތަކެއް ކޮށްދެއްވި ބޭފުޅެއް ކަމަށެވެ. 

إِنَّا لِلَّٰهِ وَإِنَّا إِلَيْهِ رَاجِعُونَ
ދ. މީދޫގެ ވެރިކަމުގެ އިސް މަގާމުތަކެއް ފުރުއްވައިފައިވާ، މީދުއަށާއި ދައުލަތަށް 31 އަހަރަށްވުރެ ދިގު މުއްދަތެއްގައި އިޚުލާޞްތެރި ޚިދުމަތްތަކެއް ކޮށްދެއްވި، އެރަށު ސާޔާ ޞިއްދީޤު ޢަލީ، ދެމިއޮތުމުގެ ޢާލަމަށް ދަތުރުކުރެއްވުމާ ގުޅިގެން،… pic.twitter.com/VhCl3MEPol

— Dr Mohamed Muizzu (@MMuizzu) June 4, 2026

ޞިއްދީޤު ނިޔާވުމާ ގުޅިގެން ރައީސުލްޖުމްހޫރިއްޔާ ވަނީ، ޢާއިލާއަށް ތަޢުޒިޔާ ދަންނަވާފައެވެ. އަދި މާތްﷲގެ ތަނަވަސް ރަޙުމަތުގައި، ސުވަރުގޭގައި ލެއްވުން އެދި ދުޢާ ދަންނަވާފައިވެއެވެ.