ޖާދޫ އަހުމަދު މަނިކު ނިޔާވުމާ ގުޅިގެން ރައީސުލްޖުމްހޫރިއްޔާ ތައުޒިޔާ ވިދާޅުވެއްޖެ

ސިފައިންގޭގައި ގިނަ ދުވަސްތަކެއް ވަންދެން ޚިދުމަތްކުރެއްވި އަހުމަދު މަނިކު (ޖާދޫ އަހުމަދު މަނިކު) އަވަހާރަވުމާއި ގުޅިގެން ރައީސުލްޖުމްހޫރިއްޔާ ޑޮކްޓަރ މުހައްމަދު މުޢިއްޒު ތައުޒިޔާ ވިދާޅުވެއްޖެއެވެ.

އެކްސްގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ވިދާޅުވީ، ސިފައިންގޭގައި ގިނަ ދުވަހު ޚިދުމަތްކުރައްވައިފައިވާ، އަދި ދިވެހި ދައުލަތަށް 46 އަހަރަށްވުރެ ދިގު މުއްދަތެއްގައި ޚިދުމަތް ކުރައްވާފައިވާ މ.މާކަރީ، އަޙްމަދު މަނިކު އަވަހާރަވުމުގެ ހިތާމައިގައި ބައިވެރިވެވަޑައިގެން މަރްޙޫމްގެ ޢާއިލާއަށް އިޚްލާސްތެރިކަމާއެކު ތަޢުޒިޔާ ދަންނަވާކަމަށެވެ.

إِنَّا لِلَّٰهِ وَإِنَّا إِلَيْهِ رَاجِعُونَ،

ސިފައިންގޭގައި ގިނަ ދުވަހު ޚިދުމަތްކުރައްވައިފައިވާ، އަދި ދިވެހި ދައުލަތަށް 46 އަހަރަށްވުރެ ދިގު މުއްދަތެއްގައި ޚިދުމަތް ކުރެއްވުމާއެކު، ދައުލަތަށް ޚިދުމަތްކުރެއްވުމުގެ އިނާމު، 2023ވަނަ އަހަރު ހާސިލުކުރައްވައިފައިވާ، މ.މާކަރީ،… pic.twitter.com/CzCLoMmQcB

— Dr Mohamed Muizzu (@MMuizzu) September 13, 2026

އަދި މަރްހޫމް އަހުމަދު މަނިކުގެ ފުރާނައަށް ސުވަރުގޭގެ ދާއިމީ ނިޢުމަތް މިންވަރުކޮށްދެއްވުން އެދި ވަނީ ދުޢާ ދަންނަވާފައެވެ.

ދިވެހި ދައުލަތަށް ދިގުމުއްދަތަކަށް ޚިދުމަތްކުރެއްވި އަޙްމަދު މަނިކަށްވަނީ ދައުލަތަށް ޚިދުމަތްކުރެވުމުގެ އިނާމު 2023 ވަނަ އަހަރު ލިބިވަޑައިގަންނަވާފައެވެ.