Ads by Exprox

ޚަބަރު

ރަސްދޫގައި އިތުރު 50 ހައުސިންގ ޔުނިޓް އަޅަން ބެނުންވާކަމަށް ރަށު ކައުންސިލުން ބުނެފި

ރަސްދޫގައި އިތުރު 50 ހައުސިންގ ޔުނިޓް އަޅަން ބެނުންވާކަމަށް ރަށު ކައުންސިލުން ބުނެފި

ރައީސް ޑރ މުއިއްޒު އއ.ރަސްދޫ ކައުންސިލާއި ބައްދަލުކުރެއްވުން. ފޮޓޯ: ރައީސް އޮފީސް

ޙަސްނާ އަޙްމަދް

ޙަސްނާ އަޙްމަދް

08 ޑިސެމްބަރު 2024، 04:40

08 ޑިސެމްބަރު 2024، 04:40

އއ.ރަސްދޫގައި އިތުރު 50 ހައުސިންގ ޔުނިޓް އަޅަން ބޭނުންވާކަމަށް އެރަށު ކައުންސިލުން ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ އަރިހުގައި ދަންނަވައިފިއެވެ. 

އއ.އަތޮޅަށް ރައީސް މުއިއްޒު ކުރައްވަމުންގެންދަވާ ދަތުރުފުޅުގައި ރަސްދޫއަށް ވަޑައިގެން ރައީސް މުޢިއްޒު ވަނީ އެރަށުގެ ކައުންސިލާ ބައްދަލުކުރައްވައިފައެެވެ. މިބައްދަލުވުމުގައި ރަސްދޫ ކައުންސިލްގެ އިތުރުން އެރަށުގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްްބަރުންވެސް ވަނީ ބައިވެރިވެވަޑައިގެންފައިވެއެވެ. 

މިބައްދަލުވުމުގައި ކައުންސިލުން ވަނީ ރަށުގެ ތަރައްޤީއަށް މިވަގުތަށް އެންމެ މުހިންމު ކަންކަމުގެ މަޢުލޫމާތު ޙިއްޞާކުރައްވާފައިވެއެވެ.

 އެގޮތުން، ރަށުގެ ގިރާ ސަރަހައްދު ހިމާޔަތްކުރުމަށް ބޭނުންވާކަމަށާއި، އަދި ރަށުގައި އިތުރު 50 ހައުސިންގ ޔުނިޓް އެޅުމަށް ބޭނުންވާކަމަށާއި، މަސްވެރިންނަށް އައިސް ލިބުމުގައި ހުރި ކަންބޮޑުންތައް ކައުންސިލުން ޙިއްޞާކުރެއްވިއެވެ.

ކައުންސިލުން ފާހަގަކުރެއްވި ކަންކަމާއި، އެމަނިކުފާނު ވަޢުދުވެވަޑައިގެންފައިވާ ކަންކަން ފުރިހަމަ ކުރެއްވުމަށް މަސައްކަތް ކުރައްވާނެކަމުގައި ރައީސް ޑރ މުޙައްމަދު މުޢިއްޒު ވަނީ މިބައްދަލުވުމުގައި ވިދާޅުވެފައިވެއެވެ.

 އަދި ކައުންސިލުން ފާހަގަކުރެއްވި ކަންކަން ފަހިކުރެއްވުމަށް މިހާރު ކުރައްވަމުންގެންދަވާ މަސައްކަތްތައް ރައީސުލްޖުމްހޫރިއްޔާ ޙިއްޞާކުރެއްވިއެވެ. މީގެ އިތުރުން ކައުންސިލުން އިޤްތިޞާދީ ފައިދާވާކަހަލަ ކަމެއްކުރުމަށް ހުށަހަޅުއްވައިފިއްޔާ ސަރުކާރުން އެކަމަށް ފުރިހަމަ އެއްބާރުލުން ދެއްވާނެކަމުގައި އެމަނިކުފާނު ވިދާޅުވިއެވެ.

މި ބައްދަލުކުރެއްވުމުގައި ރައީސުލްޖުމްހޫރިއްޔާގެ އަރިހުގައި ބައިވެރިވެވަޑައިގެންނެވި ވަޒީރުން ވަނީ ރަސްދޫގެ ތަރައްޤީއަށް ކުރިޔަށްގެންދާ މަޝްރޫޢުތަކުގެ އެންމެ ފަހުގެ މަޢުލޫމާތުތައް ޙިއްޞާކުރައްވާފައެވެ.

ރަސްދޫ ކައުންސިލާއި އެކު ބޭއްވި މިބައްދަލުވުން އޮތީ މިއަދު މެންދުރު ރަސްދޫ ކައުންސިލް އިދާރާގައެވެ. 

 

މި ލިޔުން ކިޔާލުމުން

Ads by MSS