Ads by Exprox

ޚަބަރު

ރައީސް މުއިއްޒު ގާފަރަށް ވަޑައިގަތުމުން ރައްޔިތުންގެ ހޫނު މަރުޙަބާއެއް

ރައީސް މުއިއްޒު ގާފަރަށް ވަޑައިގަތުމުން ރައްޔިތުންގެ ހޫނު މަރުޙަބާއެއް

ކ.ގާފަރު ރައްޔިތުން ރައީސް މުޢިއްޒުއަށް މަރުހަބާ ދަންނަވަން ނިކުމެ ފޮޓޯ:ރައީސް އޮފީސް

އާމިނަތު ޔުމްނާ

އާމިނަތު ޔުމްނާ

09 ޑިސެމްބަރު 2024، 11:53

09 ޑިސެމްބަރު 2024، 11:53

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ކ. ގާފަރަށް ވަޑައިގަތުމުން އެރަށުގެ ރައްޔިތުން ވަނީ އެމަނިކުފާނަށް ހޫނު މަރުޙަބާއެއް ދަންނަވާފައެވެ. މިއީ ރައީސް މުޢިއްޒު އަރިއަތޮޅު އުތުރުބުރީގެ ރަށްތަކަށާއި މާލެ އަތޮޅުގެ ބައެއް ރަށްތަކަށް ކުރައްވަމުންގެންދަވާ ދެ ދުވަހުގެ ދަތުރުފުޅުގެ ތެރެއިން ކުރެއްވި ޒިޔާރަތެކެވެ.

ރައީސް ގާފަރަށް ވަޑައިގަތުމުން އެރަށުގެ ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީއާއި ގިނަ އަދަދެއްގެ ރައްޔިތުން ވަނީ ބަނދަރު ސަރަޙައްދަށް އެއްވެ، އެމަނިކުފާނަށް މަރުޙަބާ ދަންނަވާފައެވެ. މި ދަތުރުފުޅުގައި ރައީސް މުޢިއްޒު ގާފަރުގެ ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީއާއި، ރައްޔިތުންނާ ބައްދަލުކުރެއްވުމަށް ވަނީ ހަމަޖެހިފައެވެ. މީގެ އިތުރުން، އެ އަތޮޅުގެ ކާށިދޫ ކައުންސިލާއި، ކާށިދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބޭފުޅުންނާވެސް ބައްދަލުކުރައްވާނެއެވެ.

މިއަދުގެ ދަތުރުފުޅުގައި ރައީސް މުޢިއްޒު ގާފަރުގެ އިތުރުން ހުރާ އަދި ހިންމަފުށްޓަށްވެސް ވަޑައިގަންނަވާނެއެވެ. އިއްޔެ އެމަނިކުފާނު ވަނީ އއ. ތޮއްޑޫ، ރަސްދޫ އަދި މަތިވެރިއަށް ޒިޔާރަތްކުރައްވާފައެވެ.

ރައްޔިތުންނާ ގާތުން ރައްޔިތުންގެ ހާލު ބެއްލެވުމަށް ވެވަޑައިގެންފައިވާ ވަޢުދުފުޅުގެ ދަށުން ރައީސް މުޢިއްޒު ގެންދަވަނީ ރާއްޖޭގެ އެކި ރަށްރަށަށް ޒިޔާރަތްކުރައްވަމުންނެވެ. މި ދަތުރުފުޅު ނިންމަވާލައްވާ މާލެ ވަޑައިގަންނަވާނީ މިރޭގެ ވަގުތެއްގައެވެ.
                    

މި ލިޔުން ކިޔާލުމުން

Ads by MSS