Ads by Exprox

ޚަބަރު

ތުލުސްދޫއިން ގޯތިދިނުމަށް ސަރުކާރުގެ ހުއްދައަށް އެރަށު ކައުންސިލުން އެދިއްޖެ

ތުލުސްދޫއިން ގޯތިދިނުމަށް ސަރުކާރުގެ ހުއްދައަށް އެރަށު ކައުންސިލުން އެދިއްޖެ

ރައީސް ޑރ މުއިއްޒު ތުލުސްދޫ ރައްޔިތުންނާއި ބައްދަލުކުރެއްވުން. ފޮޓޯ: ރައީސް އޮފީސް

ޙަސްނާ އަޙްމަދް

ޙަސްނާ އަޙްމަދް

09 ޑިސެމްބަރު 2024، 08:54

09 ޑިސެމްބަރު 2024، 08:54

ހުލާސާ


ކ.ތުލުސްދޫއިން ގޯތި ދިނުމަށް ސަރުކާރުގެ ހުއްދައަށް އެރަށު ކައުންސިލުން އެދިއްޖެއެެވެ.

ތުލުސްދޫ ކައުންސިލުން ސަރުކާރުގައި މިގޮތަށް އެދިފައިވަނީ ތުލުސްދޫ ކައުންސިލާއި އެރަށުގެ އަންހެނުންގެ ތަރައްޤީއަށް މަސައްކަތް ކުރާ ކޮމިޓީއާއި އެކު ރައީސުލްޖުމްޙޫރިއްޔާ ޑރ މުޙައްމަދު މުޢިއްޒާއި އެކު ބޭއްވެވި ބައްދަލުވުމުގައެވެ.

ތުލުސްދޫ ކައުންސިލާއި އެރަށުގެ އަންހެނުންގެ ތަރައްޤީއަށް މަސައްކަތް ކުރާ ކޮމިޓީއާއި އެކު ބައްދަލުވުމުގައި އެރަށުގެ ތަރައްޤީއަށް އެންމެ ބޭނުންވާ ކަންކަމާ ގުޅޭގޮތުން މަޝްވަރާކުރައްވައިފައިވެއެވެ.

އެގޮތުން ތުލުސްދޫ ކައުންސިލުން ވަނީ ރަށުގެ ރައްޔިތުންގެ ހުރި ކަންބޮޑުވުންތަކާއި ރަށުގެ ތަރައްޤީއަށް ބޭނުންވާ ކަންތައްތައް ރައީސް ޑރ މުޢިއްޒާއި ޙިއްޞާކުރައްވައި އެކަންކަމާ ގުޅޭގޮތުން މަޝްވަރާކުރައްވާފައެވެ.

 އެކަންތައްތަކުގެ ތެރޭގައި، ހޮސްޕިޓަލުގެ ބިންގާ އެޅުން އަވަސްކޮށްދިނުމާއި، މަގު ހެދުމަށް ބޭނުންވާކަމާއި، ޒުވާނުންނަށްޓަކައި ކުޅިވަރު ކުޅެވޭނެ މަގުފަހިކޮށްދިނުމާއި، ރަށުން ގޯތި ދިނުމަށް ސަރުކާރުން ހުއްދަދެއްވުމަށް ރައީސް ގެ އަރިހުން ތުލުސްދޫ ކައުންސިލުން ވަނީ އެދިފައެވެ. 

 ވޭސްޓް މެނޭޖްމަންޓް ސިސްޓަމްގެ މަސައްކަތް ކުރިއަށްގެންދާނެ މަގުފަހިކޮށްދެއްވުމަށްވެސް ތުލުސްދޫ ކައުންސިލުން ވަނީ ރައީސް ޑރ މުޢިއްޒުގެ އަރިހުން އެދިވަޑައިގެންފައެވެ. 

މިއަދުގެ ބައްދަލުކުރެއްވުމުގައި ރައީސް ޑރ މުޢިއްޒުގެ އަރިހުގައި ބައިވެރިވެވަޑައިގެންނެވި ވަޒީރުން ވަނީ މާލެއަތޮޅު ތުލުސްދޫގެ ތަރައްޤީއަށް ކުރިޔަށްގެންދާ މަޝްރޫޢުތަކުގެ އެންމެ ފަހުގެ މަޢުލޫމާތުތައް ޙިއްޞާކުރައްވާފައެވެ.

މި ބައްދަލުކުރެއްވުމުގައި އަންހެނުންގެ ތަރައްޤީއަށް މަސައްކަތްކުރާ ކޮމިޓީއިންވެސް ވަނީ އެބޭފުޅުންގެ ކަންބޮޑުވުންތައް ޙިއްޞާކުރައްވާފައެވެ.

ބައްދަލުކުރެއްވުމުގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ޑރ މުޢިއްޒު ވަނީ ކައުންސިލުން ފާހަގަކުރެއްވިކަންކަން ވީހާވެސް އަވަހަކަށް ހައްލުކޮށްދެއްވުމަށް މަސައްކަތްކުރައްވާނެ ކަމުގައި ވިދާޅުވެފައެވެ.

މި ބައްދަލުކުރެއްވުން ކުރިއަށްދިޔައީ މިއަދު ހަވީރު ހުރާ ކައުންސިލްގެ އިދާރާގައެވެ.

މި ލިޔުން ކިޔާލުމުން

Ads by MSS