Ads by Exprox

ޚަބަރު

ފެންފުށީގައި އެކަށީގެންވާ ފެނާ ނަރުދަމާގެ ނިޒާމުގެ މަސައްކަތް ފުރިހަމަކޮށްދެއްވުމަށް އެދިއްޖެ

ފެންފުށީގައި އެކަށީގެންވާ ފެނާ ނަރުދަމާގެ ނިޒާމުގެ މަސައްކަތް ފުރިހަމަކޮށްދެއްވުމަށް އެދިއްޖެ

ރައީސް ޑރ މުޢިއްޒު ފެންފުށީ ކައުންސިލާއި ބައްދަލުކުރެއްވެވުން. ފޮޓޯ: ރައީސް އޮފީސް

ޙަސްނާ އަޙްމަދް

ޙަސްނާ އަޙްމަދް

14 ޑިސެމްބަރު 2024، 09:19

14 ޑިސެމްބަރު 2024، 09:19

އދ.ފެންފުށީގައި ފެނާ ނަރުދަމާގެ ނިޒާމުގެ މަސައްކަތް ފުރިހަމަކޮށްދެއްވުމަށް އެރަށު ކައުންސިލުން ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ އަރިހުން އެދިއްޖެއެވެ.

ފެންފުށީ ކައުންސިލުން ރައީސް މުޢިއްޒުގެ އަރިހުގައި މިފަދައިން އެދިފައިވަނީ ރައީސް ޑރ މުޢިއްޒު އދ.އަތޮޅަށް ކުރައްވަމުން ގެންދަވާ ދަތުރުފުޅުގައި އދ.ދަނގެއްޗަށް ވަޑައިގެން ފެންފުށީ ކައުންސިލާއި އެރަށުގެ އަންހެނުންގެ ތަރައްޤީއަށް މަސައްކަތް ކުރާ ކޮމިޓީއާއި އެކު ބޭއްވެވި ބައްދަލުވުމުގައެެވެ.

މި ބައްދަލުކުރެއްވުމުގައި ކައުންސިލުން ފާހަގަކުރެއްވި ކަންކަމުގެ ތެރޭގައި ފެންފުށީގައި އޮޑި ދޯނިފަހަރު އެހެލުމުގައި ހުރި ގޮންޖެހުންތަކާއި، ހިނަވާގެއެއް ނެތުމުން ކުރިމަތިވާ ގޮންޖެހުންތައް ޙިއްޞާކުރެއްވިއެވެ.

 އަދި މީގެ އިތުރު ވޮލީ ކޯޓެއް ޤާއިމުކޮށްދެއްވުމަށާއި، އަދި ރަށުގައި އެކަށީގެންވާ ފެނާ ނަރުދަމާގެ ނިޒާމުގެ މަސައްކަތް ފުރިހަމަކޮށްދެއްވުމަށް ކައުންސިލުން އެދިވަޑައިގެންނެވިއެވެ.

މިއަދުގެ ބައްދަލުކުރެއްވުމުގައި ރައީސް ޑރ މުޢިއްޒުގެ އަރިހުގައި ބައިވެރިވެވަޑައިގެންނެވި ވަޒީރުން ވަނީ ފެންފުށީގެ ތަރައްޤީއަށް ކުރިޔަށްގެންދާ މަޝްރޫޢުތަކުގެ އެންމެ ފަހުގެ މަޢޫލޫމާތުތައް ޙިއްޞާކުރައްވާފައެވެ.

ކައުންސިލުން ފާހަގަކުރެއްވި ކަންކަން އެންމެ އިސްކަންދޭ ތަރުތީބަކުން ކުރިއަށްގެންދަވާނެކަމުގައި ރައީސް ޑރ މުޢިއްޒު ވިދާޅުވިއެވެ. 

މި ބައްދަލުކުރެއްވުން އޮތީ އދ. ދަނގެތި ކައުންސިލުގެ އިދާރާގައެވެ. 

 

 

މި ލިޔުން ކިޔާލުމުން

Ads by MSS