ޚަބަރު
ދިއްދޫ ނެރާއި ބަނދަރުގެ މަޝްރޫޢުގެ ކަންކަން ވަރަށް ސީރިއަސް ކޮށް ބަލާނަން: ރައީސް މުޢިއްޒު

އދ.ދިއްދޫ ކައުންސިލާއި ރައީސް މުޢިއްޒު ބައްދަލުކުރެއްވުން. ފޮޓޯ: ރައީސް އޮފީސް
ހުލާސާ
އދ.ދިއްދޫ ނެރާއި ބަނދަރުގެ މަޝްރޫޢުގެ ކަންކަން ވަރަށް ސީރިއަސް ކޮށް ބައްލަވާނެ ކަމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވެއްޖެެއެވެ.
ރައީސް މުޢިއްޒު މިހެން ވިދާޅުވީ އދ.ދިއްދޫ ކައުންސިލާއި އެރަށު އަންހެނުންގެ ތަރައްްޤީއަށް މަސައްކަތް ކުރާ ކޮމިޓީއާއި އެކު ބޭއްވެވި ބައްދަލުުވުމުގައި ވާހަކަފުޅު ދައްކަވަމުންނެވެ.
މިބައްދަލުވުމުގައި ދިއްދޫ ކައުންސިލުން ވަނީ ރަށުގެ ރައްޔިތުންގެ ކަންބޮޑުވުންތަކާއި ރަށުގެ ތަރައްޤީއަށް ބޭނުންވާ ކަންތައްތައް ރައީސް ޑރ މުޢިއްޒާއި ޙިއްޞާކުރައްވާފައެވެ.
އެގޮތުން ބަނދަރުގެ މަޝްރޫޢާއި ނެރު ފައިކަށި މަޝްރޫޢު ކުރިއަށްގެންދިއުމުގައި ރައްޔިތުންގެ ހުރި ކަންބޮޑުވުންތައް ކައުންސިލުން ޙިއްޞާކުރެއްވިއެވެ.
މީގެ އިތުރުން ރަށްގިރުމުގެ މައްސަލަވެސް ކައުންސިލުން ފާހަގަކޮށްފައިވެއެވެ. އަދިހަމަ ކައުންސިލުން ވަނީ މިހާރު ކުރިއަށްދާ މަޝްރޫޢުތަކާ ގުޅޭގޮތުން، ރައްޔިތުން ބޭނުންވާ ގޮތްތައް ތަފުޞީލީ ގޮތެއްގައި ޙިއްޞާކުރައްވާފައެވެ. ހަމަމިއާއި އެކު ރަށުގައި ތަޢުލީމީ ދާއިރާގައި ހުރި ކަންބޮޑުވުންތައްވެސް ކައުންސިލުން ޙިއްޞާކުރެެއްވެވިއެވެ. ބަނދަރާއި ނެރުގެ މަޝްރޫޢުގައި ކައުންސިލުން ފާހަގަކުރެއްވި ކަންކަން ވަރަށް ސީރިއަސްކޮށް ބައްލަވައި ދެމެހެއްޓިނިވި ގޮތެއްގައި އެކަންކަމަށް ޙައްލު ހޯއްދެވުމަށް މަސައްކަތް ކުރައްވާނެކަމުގައި ރައީސް ޑރ މުޢިއްޒު ވަނީ މިބައްދަލުކުރެއްވެވުމުގައި ވިދާޅުވެފައެވެ.
މިއަދުގެ ބައްދަލުކުރެއްވުމުގައި ރައީސްގެ އަރިހުގައި ބައިވެރިވެވަޑައިގެންނެވި ވަޒީރުން ވަނީ ދިއްދޫގެ ތަރައްޤީއަށް ކުރިޔަށްގެންދާ މަޝްރޫޢުތަކުގެ އެންމެ ފަހުގެ މަޢޫލޫމާތުތައް ޙިއްޞާކުރައްވާފައެވެ.
މި ބައްދަލުކުރެއްވުން ކުރިއަށްދިޔައީ މިރޭ އދ. ދަނގެތި ކައުންސިލްގެ އިދާރާގައެވެ.