Ads by Exprox

ޚަބަރު

މާމިގިލީ ހޮސްޕިޓަލް ތަރައްޤީކުރުމުގެ މަޝްރޫޢު މިއަހަރު ފެށޭނެ: ރައީސް މުޢިއްޒު

މާމިގިލީ ހޮސްޕިޓަލް ތަރައްޤީކުރުމުގެ މަޝްރޫޢު މިއަހަރު ފެށޭނެ: ރައީސް މުޢިއްޒު

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ފޮޓޯ:ރައީސް އޮފީސް

އާމިނަތު ޔުމްނާ

އާމިނަތު ޔުމްނާ

15 ޑިސެމްބަރު 2024، 08:31

15 ޑިސެމްބަރު 2024، 08:31

އދ. މާމިގިލީ ހޮސްޕިޓަލް ތަރައްޤީކުރުމުގެ މަޝްރޫޢު މިއަހަރު ފެށޭނެކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. މިކަން ރައީސް ވިދާޅުވީ އިއްޔެ ރޭ އދ. މާމިގިލީ ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުންނާ ބައްދަލުކުރެއްވުމަށްފަހުއެވެ.

އދ. ދަނގެތީ ކައުންސިލް އިދާރާގައި ބޭއްވުނު މި ބައްދަލުވުމުގައި، މާމިގިލީގެ ރައްޔިތުންގެ ކަންބޮޑުވުންތަކާއި ރަށުގެ ތަރައްޤީއަށް ބޭނުންވާ ކަންތައްތައް ކައުންސިލުން ރައީސުލްޖުމްހޫރިއްޔާއާ ހިއްސާކުރިއެވެ. މީގެ ތެރޭގައި ހޮސްޕިޓަލް ތަރައްޤީކުރުމާއި، ބަނދަރާއި މަގު ހެދުމުގެ މަސައްކަތް ރައްޔިތުން ބޭނުންވާ ގޮތަށް ކުރިއަށް ގެންދިއުމަށް އެދުނެވެ. އަދި ރަށުގެ ޕޮލިސް ސްޓޭޝަން ހިންގުމަށް އިމާރާތެއް ބޭނުންވާކަންވެސް ފާހަގަކުރިއެވެ.

ބައްދަލުވުމުގައި އަންހެނުންގެ ތަރައްޤީއަށް މަސައްކަތްކުރާ ކޮމިޓީން އެ ކޮމިޓީގެ މެންބަރުންނަށް އެލަވަންސް ދިނުމާ ގުޅޭ މަޢުލޫމާތު ސާފުކުރިއެވެ. ރައީސުލްޖުމްހޫރިއްޔާގެ އަރިހުގައި ބައިވެރިވި ވަޒީރުން، މާމިގިލީގެ ތަރައްޤީއަށް ކުރިއަށްގެންދާ މަޝްރޫޢުތަކުގެ އެންމެ ފަހުގެ މަޢުލޫމާތު ހިއްސާކުރިއެވެ.

ރައީސް މުޢިއްޒު ވިދާޅުވީ، އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކަށް ބޭނުންވާ ކަންކަން ކޮށްދެއްވާނެ ކަމަށާއި، އެކަންކަން ކުރިއަށް ގެންދިއުމަށް ކުރައްވާނެ ކަންތައްތަކުގެ ތަފްސީލު މަޢުލޫމާތު ދެއްވާފައިވާ ކަމަށެވެ. އަދި ކައުންސިލުން ފާހަގަކުރި ކަންކަން ކުރެވެން އޮތް އެންމެ ރަނގަޅަކަށް ކުރިއަށް ގެންދަވާނެ ކަމަށްވެސް ވިދާޅުވިއެވެ.
                    

މި ލިޔުން ކިޔާލުމުން

Ads by MSS