Ads by Exprox

ޚަބަރު

ރައީސް މުޢިއްޒު ޒަމާންވީ މައްސަލަތަކަށް ހައްލު ހޯއްދަވަނީ ހިކުމަތްތެރިކަމާއެކު: މެންބަރު ޠާރިޤު

ރައީސް މުޢިއްޒު ޒަމާންވީ މައްސަލަތަކަށް ހައްލު ހޯއްދަވަނީ ހިކުމަތްތެރިކަމާއެކު: މެންބަރު ޠާރިޤު

މަހިބަދޫ ދާއިރާގެ މެންބަރު އަޙްމަދު ޠާރިޤު ފޮޓޯ:ރައީސް އޮފީސް

އާމިނަތު ޔުމްނާ

އާމިނަތު ޔުމްނާ

15 ޑިސެމްބަރު 2024، 12:39

15 ޑިސެމްބަރު 2024، 12:39

ރާއްޖޭގައި ހުރި ޒަމާންވީ މައްސަލަތަކަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހައްލު ހޯއްދަވައިދެއްވަނީ ހިކުމަތްތެރިކަމާއި ހުޝިޔާރުކަމާއެކުގައި ކަމަށް ރައްޔިތުންގެ މަޖިލީހުގެ މަހިބަދޫ ދާއިރާގެ މެންބަރު އަޙްމަދު ޠާރިޤު ވިދާޅުވެއްޖެއެވެ.

ޠާރިޤު މިހެން ވިދާޅުވީ  ރައީސުލްޖުމްހޫރިއްޔާ އަރިއަތޮޅު ދެކުނުބުރިއަށް ކުރައްވަމުން ގެންދަވާ ދަތުރުފުޅުގައި މަހިބަދޫއަށް ވަޑައިގެން ރައްޔިތުންނާ ބައްދަލުކުރެއްވުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުންނެވެ.

މެންބަރު ޠާރިޤު ވިދާޅުވީ ރައީސުލްޖުމްހޫރިއްޔާ ނިންމަވާ ނިންމެވުންތަކަކީ ރާއްޖޭގައި ހުރި ޒަމާންވީ މައްސަލަތަކަށް ހައްލު ހޯދައިދިނުމަށް މުހިންމު ނިންމެވުންތަކެއް ކަމަށެވެ. އޭނާ ފާހަގަކުރެއްވި ގޮތުގައި މާލީ ގޮތުންނާއި ޒުވާނުންނާ ގުޅުންހުރި މައްސަލަތަކުގައި ކަންކަން ނިންމުމަކީ ސިޔާސީގޮތުން އުނދަގޫކަމެއް ނަމަވެސް، ރައީސް މުޢިއްޒު މިފަދަ ނިންމެވުންތައް ނިންމަވަނީ ހިކުމަތްތެރިކަމާއި ކެތްތެރިކަމާއި ހުޝިޔާރުކަމާއެކުގައެވެ.

ރާއްޖޭގެ ރައީސުލްޖުމްޙޫރިއްޔާ، ރާއްޖޭގެ އިގްތިސާދާއި ޒުވާނުންގެ ދުޅަހެޔޮކަމަށް ނިންމަވާފައިވާ ބޮޑެތި ސިޔާސަތުތަކަކީ ކުރިއަށް އޮތް ޖީލުތަކުގައި ދިވެހި ރައްޔިތުންނަށް އެކަމުގެ ފައިދާ ފެނިގެންދާނެ ކަންކަން ކަމުގައި އަޅުގަނޑު ފާހަގަކުރަން

ޠާރިޤް ވިދާޅުވިއެވެ.

މީގެއިތުރުން، ޠާރިޤު ވިދާޅުވީ މަހިބަދޫ ރާއްޖޭގެ އަރބަން ސެންޓަރުގެ ގޮތުގައި ކަނޑައަޅުއްވައި، މި ރަށާއި މި އަތޮޅުގެ މި ސަރަހައްދު ތަރައްގީކުރެއްވުމަށްޓަކައި ސިޔާސަތު ކަނޑައަޅުއްވާފައިވާތީ ރައީސް މުޢިއްޒަށް ޝުކުރު އަދާކުރައްވާ ކަމަށެވެ.

ވެރިކަމުގެ ފުރަތަމަ އަހަރު ގިނަ މަޝްރޫއުތަކެއް ނުހިންގުނު ނަމަވެސް، ކުރިއަށް އޮތް އަހަރަކީ އުއްމީދީ އަހަރެއް ކަމަށާއި ތަރައްގީގެ ބޮޑެތި މަޝްރޫއުތައް ފެށިގެންދާނެ ކަމުގެ ޔަގީންކަ ޔަގީންކަން އެބައޮތް ކަމަށްވެސް މަހިބަދޫ ދާއިރާގެ މެންބަރު އަޙްމަދު ޠާރިޤު ވިދާޅުވިއެވެ.
                    

މި ލިޔުން ކިޔާލުމުން

Ads by MSS