ޤައުމަށް އުޖާލާ މުސްތަޤުބަލެއް ގެނެވޭނީ ކޮރަޕްޝަން ނައްތާލައިގެން: ވަޒީރު ޝަހީމް

ޤައުމަށް އުޖާލާ މުސްތަޤްބަލެއް ގެނެވޭނީ ކޮރަޕްޝަން ނައްތާލައިގެން ކަމަށް އިސްލާމީ ކަންތައްތަކާއި ބެހޭ ވަޒީރު ޑރ މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ. 

ވަޒީރު ޑރ ޝަޙީމް މިހެން ވިދާޅުވީ މިހާރު ހިނގައިގެން އުޅޭ ކޮރަޕްޝަންގެ ކުށާއި ގުޅިގެން އެކްސްގައި ކުރެއްވެވި ޕޯސްޓެއްގައެވެ. 

ވަޒީރު ޝަހީމް ވިދާޅުވީ ކޮރަޕްޝަނާއި ދެކޮޅަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ސަރުކާރުން ހަރުދަނާ ފިޔަވަޅުތަކެއް އަޅުއްވާނެކަމުގެ ފުރިހަމަ ޔަޤީންކަން އެބައޮތްކަމަށެވެ. 

މީގެއިތުރުން ޤައުމަށް އުޖާލާ މުސްތަޤްބަލެއް ގެނެވެނީ ކޮރަޕްޝަން ނައްތާލައިގެން ކަމަށެވެ. ކޮރަޕްޝަނާ ދެކޮޅަށް ރައީސް އަޅުއްވަމުންގެންދަވާ ކޮންމެ ފިޔަވަޅަކަށް ފުރިހަމައަށް ތާއިދު ކަމަށް ވަޒީރު ޝަހީމް ވިދާޅުވިއެވެ.

ކޮރަޕްޝަންއާ ދެކޮޅަށް ރައީސް ޑރ @MMuizzu ގެ ސަރުކާރުން ހަރުދަނާ ފިޔަވަޅުތަކެއް އަޅުއްވާނެކަމުގެ ފުރިހަމަ ޔަގީންކަން އެބައޮތް.ޤައުމަށް އުޖާލާ މުސްތަޤުބަލެއް ގެނެވޭނީ ކޮރަޕްޝަން ނައްތާލައިގެން. ކޮރަޕްޝަނާ ދެކޮޅަށް ރައީސް އަޅުއްވަމުންގެންދަވާ ކޮންމެ ފިޔަވަޅަކަށް ފުރިހަމައަށް ތާއިދު

— Mohamed Shaheem Ali Saeed (@Mohamedshaheem1) December 19, 2024

މިހާރު ފުލުހުން ތަހުޤީޤު ކުރަމުންދަނީ ބިންވެރިޔާ ސްކީމްގެ ދަށުން ގޯތި ލިބިފައިނުވާ ބަޔަކަށް ގޯތި ދީފައިވަ މައްސަލައެކެވެ.

މިމައްސަލާގައި ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން މިހާރު ވަނީ އެޗްޑީސީގެ ބޯޑު މެންބަރުންގެ ތެރެއިން ޗެއަރމަން ފިޔަވައި ހުރިހާ މެންބަރުން ސަސްޕެންޑްކޮށްފައެވެ. އޭގެ ތެރޭގައި އެކުންފުނީގެ މެނޭޖިންގ ޑިރެކްޓަރ ފަޟުލް ރަޝީދުވެސް ހިމެނެއެވެ. 

މީގެ އިތުރުން އެމްޑަބްލިއުއެސްސީންވަނީ އެކުންފުނީގެ ޑެޕިއުޓީ މެނޭޖިން ޑިރެކްޓަރު މުޙައްމަދު ފަޒީލް ރަޝީދުވެސް ސަސްޕެންޑްކޮށްފައެވެ. ފަޒީލް އަކީ ފަޟުލްގެ އެއްބަނޑު އެއްބަފާ ބޭފުޅެކެވެ.ފުލުހުން ތަހުޤީޤުކުރަމުންދަނީ ޑޮކިއުމަންޓުތަކެއް ފޯޖުކޮށްފައިވާ ކަމަށް ތުހުމަތު ކުރެވޭ މައްސަލައެކެވެ. މިއީ ފުލުހުންނަށް ލިބިފައިވާ މަޢުލޫމާތަކާ ގުޅިގެން ފުލުހުން އިސްވެ ފެށި ތަހުޤީޤެއް ކަމަށް ފުލުހުން ވަނީ ބުނެފައެވެ.

މިމައްސަލާގެ ތަހުޤީޤު އަވަސްކޮށް ދައުވާކުރުން އަވަސްކުރުމަށް ފީޖީ އޮފީހުންވެސް ވަނީ ގޮވާލައިފައެވެ.