Ads by Exprox

ޚަބަރު

މަޢުރޫފް ޖަމީލަކީ އަޅުގަނޑުވަރަށް އިތުބާރުކުރާ އިންޓެގްރިޓީ ހުރި ބޭފުޅެއް: ރައީސް މުޢިއްޒު

މަޢުރޫފް ޖަމީލަކީ އަޅުގަނޑުވަރަށް އިތުބާރުކުރާ އިންޓެގްރިޓީ ހުރި ބޭފުޅެއް: ރައީސް މުޢިއްޒު

ރައީސް ޑރ މުޙައްމަދު މުޢިއްޒު. ފޮޓޯ:ރައީސް އޮފީސް

ޙަސްނާ އަޙްމަދް

ޙަސްނާ އަޙްމަދް

22 ޑިސެމްބަރު 2024، 05:42

22 ޑިސެމްބަރު 2024، 05:42

ހައުސިންގ ޑިވަލޮޕްމެންޓް ކޯޕަރޭޝަންގެ މެނޭޖިންގ ޑިރެކްޓަރ ކަމަށް އައްޔަނުކުރެއްވި މަޢުރޫފް ޖަމީލަކީ ވަރަށް އިތުބާރުކުރައްވާ އިންޓެގްރިޓީ ހުރި ބޭފުޅެއް ކަމަށް ރައީސުލްޖުމްހޫރިއްޔާ ޑރ މުޙައްމަދު މުޢިއްޒު ވިދާޅުވެއްޖެއެވެ.

ރައީސް މުއިއްޒު މިހެން ވިދާޅުވީ ރައީސް އޮފީހުގެ ބޭރުގައި ނޫސްވެރިންނާއި ވާހަކަފުޅު ދައްކަވަމުންނެވެ. 

ރައީސް ޑރ މުއިއްޒު ވިދާޅުވީ މިހާރު އަޅަމުން އަންނަ ފިޔަވަޅުތަކާ އެކު، އެޗްޑީސީ އަށް ރަނގަޅު ބަދަލެއް އަންނާނެ ކަމަށް ޔަޤީން ކުރައްވާ ކަމަށެވެ. 

ރައީސް މުޢިއްޒު ވިދާޅުވީ ކަންކަން ރަނގަޅު ވާނެ ކަމުގެ ވަރަށް ބޮޑަށް ޔަޤީންކަން އެބައޮތް ކަމަށެވެ. ބޭނުންފުޅުވެވަޑައިގަންނަވަނީ އެންމެންގެ އެއްބާރުލުން ކަމަށެވެ.

“މިސާލަކަށް އެޗްޑީސީ އަށް އަޅުގަނޑު މިއަދު މި އައްޔަންކުރި، ކުރީގެ މިނިސްޓަރު މައުރޫފް ޖަމީލް. އެ ބޭފުޅާއަކީ އަޅުގަނޑު ވަރަށް އިތުބާރު ކުރާ، ފުލް އިންޓެގްރިޓީ ހިފަހައްޓާނެ ބޭފުޅެއް. ފުލް ކޮމިޓްމެންޓާއި ޕްރޮފެޝަނަލިޒަމްއާ އެކު މަސައްކަތްކުރައްވާ ބޭފުޅެއް،" ރައީސް ޑރ މުޙައްމަދު މުޢިއްޒު ވިދާޅުވިއެވެ.

މީގެއިތުރުން ރައީސްގެ ވާހަކަފުޅުގައި ވިދާޅުވެފައިވަނީ ސަރުކާރުގެ ހުރިހާ މުއައްސަސާތަކަށް ވެސް ބޭނުންވަނީ މަޢުރޫފް ކަހަލަ ތެދުވެރިކަމާއި ނަޒާހަތްތެރިކަމާ އެކު މަސައްކަތްކުރައްވާނެ ބޭފުޅުން ކަމަށެވެ.

" ޔަޤީން ކުރައްވަނީ އެޗްޑީސީގައިވެސް ކުރިއަށް އޮތް ތަނުގައި ކޮރަޕްޝަނަށް މަގުފަހިވާ ގޮތަށް ކަންކަން ނުވާނެ ކަމަށް ކަމަށެވެ. އަދި އެފަދަ ކަންކަން ކުރާ ފަރާތްތަކަށް ސަރުކާރުގެ ތެރެއިން ޖާގަވެސް ނޯންނާނެ ކަމަށް ރައީސް ވިދާޅުވި އެވެ.

އެހެން ކުންފުންޏެއްގައި ވެސް އޮފީހެއްގައިވެސް އަދި ވުޒާރާއެއްގައިވެސް އެ ކަހަލަ ކަމެއް ހިނގަން ފުރުސަތެއް ނުދެއްވާނެ ކަމަށް ރައީސް މުޢިއްޒު ވިދާޅުވިއެވެ.

މީގެ އިތުރުން ރަޢީސް ވިދާޅުވީ ކަނޑައެޅިފައިވާ އުސޫލުތަކާއި ޤާނޫނުތަކާ ޚިލާފަށް މީހަކަށް ގޯއްޗެއް ލިބުން އެއީ އެއްގޮތަކަށް ވެސް މީހަކަށް ލިބިގެންވާ ހައްޤެއް ނޫން ކަމަށެވެ. އެ ކަންކަންވާން ޖެހޭނީ އެކަންކަން ހަމަޖެހިފައި އޮންނަ ގޮތަށް ކަމަށްވެސް ރައީސް މުޢިއްޒު ވިދާޅުވިއެވެ. 

 

މި ލިޔުން ކިޔާލުމުން

Ads by MSS