ޚަބަރު
ބޯހިޔާވަހިކަމުގެ މަޝްރޫއުގެ މަސައްކަތްތައް އެހެން މިނިސްޓްރީއަކަށް ބަދަލުކޮށްފި
ހުޅުމާލޭގެ ހައިސިން ޕްރޮޖެކްޓެއް
ފަރުދުން
27 ޑިސެމްބަރު 2024، 10:31
27 ޑިސެމްބަރު 2024، 10:31
ހުލާސާ
މިނިސްޓްރީއިން ނެރުނު ބަޔާނުގައި، މިނިސްޓްރީއިން ދެމުން ގެންދާ އެއްވެސް ހިދުމަތަކަށް ބުރު ނާރާނެ ކަމަށް ބުނެފައިވޭ.
މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ދަށަށް ސޯޝަލް ހައުސިންގެ މަސައްކަތްތައް ބަދަލުކޮށްފިއެވެ.
ރައީސުލްޖުމްހުރިއްޔާ ޑޮކްޓަރ މުހައްމަދު މުޢިއްޒު ވަޒީރުންގެ މަޖިލީހަށް ބުރާސްފަތި ދުވަހު ގެންނެވި ބަދަލުތަކުގައި، މިނިސްޓްރީ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރގެ ނަން ވަނީ މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ނަމަށް ބަދަލު ކުރައްވާފައެވެ.
އެހެންކަމުން މި ބަދަލާއެކު، ސޯޝަލް ހައުސިންގއާ ގުޅޭ މަސައްކަތްތައް ދެން ކުރިޔަށް ގެންދާނީ މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ އިން ކަމަށް އެ މިނިސްޓްރީން ވަނީ ހާމަކޮށްފައެވެ.
މިނިސްޓްރީއިން ނެރުނު ބަޔާނުގައި، މިނިސްޓްރީއިން ދެމުން ގެންދާ އެއްވެސް ހިދުމަތަކަށް ބުރު ނާރާނެ ކަމަށް ބުނެފައި ވެއެވެ.
މިކަމާ ގުޅިގެން އޮޅުންއަރާ ކަމެއް އޮތްނަމަ މައުލޫމާތު ސާފު ކުރެއްވުމަށް، 4004900 އަދި 4004901 އަށް ގުޅުއްވުމަށް އެ މިނިސްޓްރީއިން އެދިފައި ވެއެވެ.
