ޚަބަރު
ކާޓަރ އަވަހާރަވުމާ ގުޅިގެން ރައީސް މުޢިއްޒު ތަޢުޒިޔާ ފޮނުއްވައިފި
އެމެރިކާގެ ކުރީގެ ރައީސް ޖޭމްސް އާލް ކާޓަރ ޖޫނިއަރ ފޮޓޯ: އިންޓަނެޓް
އެމެރިކާގެ ކުރީގެ ރައީސް ޖިމީ ކާޓަރ އަވަހާރަވުމާ ގުޅިގެން ދިވެހިރާއްޖޭގެ ރައީސުލްޖުމްހޫރިއްޔާ މުޙައްމަދު މުޢިއްޒު ތަޢުޒިޔާ ފޮނުއްވައިފިއެވެ. ރައީސް މުޢިއްޒު މިކަން ފާޅުކުރެއްވީ އެކްސް މެދުވެރިކޮށް ކުރެއްވި ޕޯސްޓެއްގައެވެ.
ރައީސް މުޢިއްޒުގެ ޕޯސްޓުގައި ވިދާޅުވެފައިވަނީ އެމެރިކާގެ ކުރީގެ ރައީސް ޖޭމްސް އާލް ކާޓަރ ޖޫނިއަރ އަވަހާރަވުމުގެ ހިތާމަވެރި ޚަބަރު ލިބިވަޑައިގަތްކަމަށެވެ. އަދި ދިވެހި ސަރުކާރާއި ރައްޔިތުން ގެ ނަމުގައި އެމެރިކާގެ ސަރުކާރަށާއި ރައްޔިތުންނަށް، އަދި ޚާއްޞަކޮށް ކުރީގެ ރައީސް ކާޓަރގެ ލޮބުވެތި ޢާއިލާއަށް ފުން ހިތާމައިގެ ތަޢުޒިޔާ ފޮނުއްވާކަމަށްވެސް ވިދާޅުވެފައިވެއެވެ.
ޖިމީ ކާޓަރ އަކީ އެމެރިކާގެ 39 ވަނަ ރައީސެވެ. އެމަނިކުފާނު އަވަހާރަވީ 100 އަހަރުގެ އުމުރުފުޅުގައި، ގޭގައި ހޮސްޕިސް ފަރުވާ ލިބިވަޑައިގަންނަވަމުން ދަނިކޮށެވެ. ކާޓަރ އަވަހާރަވުމާ ގުޅިގެން ދުނިޔޭގެ އެކި ޤައުމުތަކުގެ ލީޑަރުން ވަނީ ތަޢުޒިޔާ ފޮނުއްވާފައެވެ.
It is with deep sorrow that I learned of the passing of former President James Earl Carter Jr.
— Dr Mohamed Muizzu (@MMuizzu) December 30, 2024
At this time of national loss, the Government and the people of the Maldives join me in extending our profound condolences to the people and the Government of the United States and,…
