ރައީސްގެ އައު އަހަރުގެ އަޒުމަކީ ތަރައްޤީ އަމަލީގޮތުން ރައްޔިތުންނާ ހަމައަށް ގެނެސްދިނުން

ރައީސް މުޙައްމަދު މުޢިއްޒު މިއަދު ގުޅިއަށް ކުރެއްވި ދަތުރުފުޅުގައި، އެރަށުގެ ސްކޫލް ބައްލަވާލެއްވުމަށްފަހު ނުކުމެވަޑައިގަންނަވަނިކޮށް، އައު އަހަރުގެ އަޒުމާ ބެހޭގޮތުން ކުރެވުނު ސުވާލަކަށް ޖަވާބު ދެއްވައިފިއެވެ.

ރައީސް މުޢިއްޒު ވިދާޅުވީ އައު އަހަރުގެ އަޒުމަކީ "ތަރައްޤީ އަމަލީ ގޮތުން ރައްޔިތުންނަށް ގެނެސްދިނުން" ކަމުގައެވެ. ރައީސްގެ މިބަސް ކޮޅުން ފާހަގަވަނީ ރައީސްގެ އަމާޒަކީ ޤައުމުގެ ތަރައްޤީ ރައްޔިތުން ބޭނުންވާ ގޮތަށް އަމަލީ މަސައްކަތް ފަށާ ތަރައްޤީގެ މަސައްކަތްތައް މެކުހަށް ޖެއްސެވުމެވެ.

ރައީސް މުޢިއްޒުގެ ވެރިކަމުގެ ފުރަތަމަ އަހަރު ނިމިގެން ދިޔައިރު، ޤައުމަށް ފައިދާވާ ގިނަ މުހިންމު ނިންމުންތަކެއް ނިންމަވާފައިވާކަން ފާހަގަކުރެވެއެވެ. މީގެ އިތުރުން، ކުރިއަށް އޮތް އަހަރަކީ ތަރައްޤީގެ ގިނަ މަޝްރޫޢުތަކެއްގެ އަމަލީ މަސައްކަތް ފެށިގެންދާނެ އަހަރެކެވެ.

 ރައީސް މުޢިއްޒުގެ ސަރުކާރުން ކުރިއަށް އޮތް އަހަރު ތަރައްޤީގެ މަޝްރޫޢުތަކަށް އިސްކަންދޭނެ ކަމާއި، ރައްޔިތުންނަށް ސީދާ ފައިދާކުރާނެ ގޮތަށް މި މަސައްކަތްތައް ކުރިއަށް ގެންދިއުމަށް އަޒުމް ކަނޑައަޅުއްވާފައިވާ ކަން ރައީސް މިވަނީ ހާމަކުރައްވާފައެވެ.

ރައީސްގެ އާަ އަހަރުގެ އުންމީދު: ތަރައްޤީ ޢަމަލީގޮތުން ރައްޔިތުންނަށް ގެނެސްދިނުން @MMuizzu pic.twitter.com/jHYNUlQEHL

— Mariyam Shiuna (@shiuna_m) January 5, 2025