ޚަބަރު
ފަލަސްތީނުގެ މައްސަލާގައި ރައީސުލްޖުމްހޫރިއްޔާ އާއި ދިވެހިރާއްޖެއިން ގެންގުޅުއްވާ ސިޔާސަތަށް ޕާކިސްތާނުގެ އައު ސަފީރު ތައުރީފްކުރައްވައިފި

ފަލަސްތީނުގެ އައު ސަފީރުގެ ފަތްކޮޅު އެރުވުމަށް ބޭއްވި ރަސްމިއްޔާތު، ފޮޓޯ: ރައީސް އޮފީސް
ހުލާސާ
ޕާކީސްތާނުގެ ސަފީރު މިހެން ވިދާޅުވިއިރު، އެކުވެރި ދައުލަތްތަކުގެ އާންމު މަޖިލީހުގެ 79 ވަނަ ސެޝަންގައި، މިދިޔަ ސެޕްޓެމްބަރުމަހު ރައީސުލްޖުމްހޫރިއްޔާ ދެއްވެވި ތަޤުރީރުގައި އެ މަނިކުފާނުވަނީ ފަލަސްތީނުގައި މިހާރު ހިނގަމުންދާ ޤަތުލްއާންމު ހަރުކަށި އިބާރާތުން ކުށްވެރިކުރައްވައި، ރައީސުލްޖުމްހޫރިއްޔާ އާއި ދިވެހިރާއްޖެއިން މި ކަމުގައި ގެންގުޅުއްވާ ސިޔާސަތު ސާފުކޮށް މުޅި ދުނިޔެއަށް އިއްވަވާފައި.
ފަލަސްތީނުގެ ރައްޔިތުންގެ ހައްގުތަކާއި މެދު ރައީސުލްޖުމްހޫރިއްޔާ އާއި ދިވެހިރާއްޖެއިން ގެންގުޅުއްވާ ސިޔާސަތަށް ޕާކިސްތާނުގެ އައު ސަފީރު ތައުރީފްކުރައްވައިފިއެވެ.
ފަލަސްތީނުގެ އައު ސަފީރު، ހިޒް އެކްސަލަންސީ ވައިސް އެޑްމިރަލް (ރިޓަޔަރޑް) ފައިސަލް ރަސުލް ލޯދި މިހެން ވިދާޅުވީ، އެމަނިކުފާނުގެ ސަފީރުކަމުގެ ފަތްކޮޅު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުއަށް އެރުވުމުގެ ގޮތުން ރައީސުލްޖުމްހޫރިއްޔާގެ އޮފީހުގައި މިއަދު ހެނދުނު އޮތް ރަސްމިއްޔާތުގައެވެ.
ޕާކީސްތާނުގެ ސަފީރު މިހެން ވިދާޅުވިއިރު، އެކުވެރި ދައުލަތްތަކުގެ އާންމު މަޖިލީހުގެ 79 ވަނަ ސެޝަންގައި، މިދިޔަ ސެޕްޓެމްބަރުމަހު ރައީސުލްޖުމްހޫރިއްޔާ ދެއްވެވި ތަޤުރީރުގައި އެ މަނިކުފާނުވަނީ ފަލަސްތީނުގައި މިހާރު ހިނގަމުންދާ ޤަތުލްއާންމު ހަރުކަށި އިބާރާތުން ކުށްވެރިކުރައްވައި، ރައީސުލްޖުމްހޫރިއްޔާ އާއި ދިވެހިރާއްޖެއިން މި ކަމުގައި ގެންގުޅުއްވާ ސިޔާސަތު ސާފުކޮށް މުޅި ދުނިޔެއަށް އިއްވަވާފައެވެ.
އެގޮތުން އެ މަނިކުފާނު ވަނީ އދ.ގެ ފުރިހަމަ މެންބަރުކަން ފަލަސްޠީނަށް ދިނުމަށް ގޮވާލާފައެވެ. އެއަށްފަހު އެ މަނިކުފާނު ވިދާޅުވީ، ޣައްޒާގެ ޙާލަތުން ދައްކުވައިދެނީ އިންތިހާއީ ނާއިންސާފާއި، ބައިނަލްއަޤުވާމީ ނިޒާމުގެ ނާކާމިޔާބީކަން ކަމުގައެވެ.
އެ ތަޤުރީރުގައި ރައީސުލްޖުމްހޫރިއްޔާ ވަނީ، އިސްރާއީލުގެ އެ ޖަރީމާތަކުގެ ސަބަބުން އަންހެނުންނާއި ކުޑަކުދިންނާއި ތުއްތު ކުދިން ހިމެނޭހެން، ފަލަސްޠީނުގެ އެތައް ހާސް ރައްޔިތުންނެއް މަރުވެ، ޒަޚަމްވަމުންދާކަން ހަނދުމަފުޅުކޮށް އަރުވާފައެވެ.
އަދި މީގެ އިތުރުންވެސް އެތައް ކަމެއް އެ މަނިކުފާނު ފާހަގަކުރައްވައި، ޤައުމެއްގެ ކުޑަބޮޑުމިނަކީ ނުވަތަ އެ ޤައުމެއްގެ މުއްސަނދިކަމަކީ މި ވާހަކަތައް ނުދައްކައި ތިބެންވީ ބަހަނާއެއް ނޫންކަން ވަނީ ސާބިތުކޮށްދެއްވާފައެވެ.
ޕާކިސްތާނުގެ އައު ސަފީރު ޖުމްހޫރީ މައިދާނުން ފެށިގެން ރައީސުލްޖުމްހޫރިއްޔާގެ އޮފީހާ ހަމައަށް ވަޑައިގެންނެވީ ހަތްކޮޅުގައި ރަސްމީ އިއްޒަތުގައި ބެރު ދުންމާރި ތާޅަފިލީގައި، ހެވިކަމުގެ ލަޝްކަރީންނާއެކު ހިންގަވާފައެވެ.
ދެ ބޭފުޅުންގެ މި ބައްދަލު ކުރެއްވުމުގައި ދެޤައުމުގެ ގުޅުން އިތުރަށް ބަދަހިކުރެވިދާނެ ދާއިރާތަކާ ގުޅޭގޮތުން ވެސް މަޝްވަރާކުރައްވާފައި ވެއެވެ. އޭގެ ތެރޭގައި ތެރޭގައި މޫސުމީ ބަދަލުތަކާއި، ސިއްހީ ދާއިރާއާއި، ފަތުރުވެރިކަމާއި، ވިޔަފާރީގެ ދާއިރާތައް ހިމެނެއެވެ.