Ads by Exprox

ޚަބަރު

ދެވަނަ ވައިޑް-ބޮޑީ މަތިންދާބޯޓެއް އޮކްޓޯބަރުގައި އުދުހެން ފަށާނެ: ރައީސުލްޖުމްހޫރިއްޔާ

ދެވަނަ ވައިޑް-ބޮޑީ މަތިންދާބޯޓެއް އޮކްޓޯބަރުގައި އުދުހެން ފަށާނެ: ރައީސުލްޖުމްހޫރިއްޔާ

މޯލްޑިވިއަންއަށް ގެނައި ފުރަތަމަ ވައިޑް-ބޮޑީ އެއަރކްރާފްޓުގެ އޮޕަރޭޝަން ފެށުމުގެ ގޮތުން ބޭއްވި ރަސްމިއަޔާތު، ފޮޓޯ: ފަރުދުން

މިފްތާޙް މުޙައްމަދު

މިފްތާޙް މުޙައްމަދު

06 ޖެނުއަރީ 2025، 08:28

06 ޖެނުއަރީ 2025، 08:28

ހުލާސާ

ރައީސުލްޖުމްހޫރިއްޔާ ވިދާޅުވީ، މި ސަރުކާރުން މަސައްކަތްކުރަނީ ތަރައްޤީ އާއި ހަމަޖެހުމާއި މިނިވަންކަމާއި ސިޔާދަތު އެކުއެކީގައި ޙާޞިލުވެގެންދާ ފަދަ ވަށާޖެހޭ ތަރައްޤީއެއް ޤައުމަށް ގެނެސްދިނުމަށް ކަމަށް.

މި އަހަރުގެ އޮކްޓޯބަރު މަހުގެ ތެރޭގައި ދެވަނަ ވައިޑް-ބޮޑީ މަތިންދާބޯޓެއް ރާއްޖޭގައި އުދުހެން ފަށާނެކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. އެ މަނިކުފާނު މިހެން ވިދާޅުވީ، މޯލްޑިވިއަންއަށް ގެނައި ފުރަތަމަ ވައިޑް-ބޮޑީ އެއަރކްރާފްޓުގެ އޮޕަރޭޝަން ފެށުމުގެ ގޮތުން މިއަދު ބޭއްވި ޙާއްސަ ރަސްމިއްޔާތުގައެވެ.

ދިވެހިރާއްޖޭގެ އިޤްތިޞާދު ފުޅާކުރެއްވުމުގެ ގޮތުން މޯލްޑިވިއަނުން ދަތުރުކުރާ މަންޒިލްތައް އިތުރުކުރުމަށްޓަކައި ރައީސުލްޖުމްހޫރިއްޔާ ފައްޓަވާފައިވާ މި މަސައްކަތަކީ އަދި ފެށުމެއްކަމަށް ފާހަގަކުރައްވައި އެ މަނިކުފާނު ވިދާޅުވީ، މި ގޮތުގައި ފަތުރުވެރިކަމާއި، އުދުހުމުގެ ސިނާޢަތަށް ކުރިއެރުންތައް ލިބިގެންދިއުމަކީ އެ މަނިކުފާނުގެ ތަޞައްވުރު ކަމަށެވެ. 

މީގެ އިތުރުން، 2025ވަނަ އަހަރު ވެގެންދާނީ، ކުޑަދުވަސްކޮޅެއްގެ ތެރޭގައި މޯލްޑިވިއަންއަށާއި، މޯލްޑިވްސް އެއަރޕޯޓްސް ކޮމްޕެނީ (އެމްއޭސީއެލް)އަށް އިތުރު ކުރިއެރުންތަކެއް ގެނަސްދޭނެ އަހަރެއް ކަމަށް ވެސް އެ މަނިކުފާނު ވަނީ ވިދާޅުވެފައެވެ.

ރައީސުލްޖުމްހޫރިއްޔާގެ ވާހަކަފުޅު ކުރިޔަށް ގެންދަވަމުން ވިދާޅުވީ، މި ސަރުކާރުން މަސައްކަތްކުރަނީ ތަރައްޤީ އާއި ހަމަޖެހުމާއި މިނިވަންކަމާއި ސިޔާދަތު އެކުއެކީގައި ޙާޞިލުވެގެންދާ ފަދަ ވަށާޖެހޭ ތަރައްޤީއެއް ޤައުމަށް ގެނެސްދިނުމަށެވެ. 

ރާއްޖޭގެ ފަތުރުވެރިކަން ކުރިއެރުވުމަށްޓަކައި، ޤައުމީ އެއަރލައިނަށް 'ވައިޑް-ބޮޑީ އެއަރކްރާފްޓް އޮޕަރޭޝަން' ތަޢާރަފްކުރުމުގެ މަސައްކަތަކީ ރައީސުލްޖުމްހޫރިއްޔާގެ ވެރިކަމުގެ ފުރަތަމަ 14 ހަފްތާގެ މަގުޗާޓުގައިވެސް ހިމަނުއްވާފައިވާ ކަމެކެވެ. އަދި "ވައިޑް-ބޮޑީ އެއާކްރާފްޓް އޮޕަރޭޝަން" ތަޢާރަފްކުރުމަށް ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ނިންމެވީ، 17 ޑިސެންބަރު 2023 ގައެވެ. 

މި ލިޔުން ކިޔާލުމުން

Ads by MSS