Ads by Exprox

ޚަބަރު

ސަރުކާރުގެ ހުރިހާ އޮފީސްތަކެއް އެއް ވިއުގައަކުން ޑިގިޓަލައިޒްކުރުމަށް ބޭނުންވާ ދިރާސާ ހެދުމުގެ މަސައްކަތް ފަށައިފި

ސަރުކާރުގެ ހުރިހާ އޮފީސްތަކެއް އެއް ވިއުގައަކުން ޑިގިޓަލައިޒްކުރުމަށް ބޭނުންވާ ދިރާސާ ހެދުމުގެ މަސައްކަތް ފަށައިފި

ޤައުމީ ކޮމްޕިއުޓަރ ވިއުގައާ ގުޅޭ އެއްބަސްވުމުގައި ސޮއިކުރުން

farudhun logo

ފަރުދުން

07 ޖެނުއަރީ 2025، 10:28

07 ޖެނުއަރީ 2025، 10:28

ހުލާސާ

ދާޚިލީ ސަލާމަތާއި ފަންނިއްޔާތާއި ބެހޭ ވުޒާރާ އިން ހާމަކޮށްފައިވާ ގޮތުގައި، މިއީ އެކި ޖިއޯގްރަފިކް ލޮކޭޝަންތަކުގައި ހުންނަ ބްރާންޗް އޮފީސްތައް ގުޅާލުމަށް ބޭނުންކުރާ ނެޓްވޯކް ޓެކްނޯލޮޖީއެއް.

ޤައުމީ ކޮމްޕިއުޓަރ ވިއުގަ (ނޭޝަނަލް ކޮމްޕިއުޓަރ ނެޓްވޯކް (އެން.ސީ.އެން)) ގެ ޚިދުމަތް ހަރުދަނާކޮށް، ކެޕޭސިޓީ އިތުރުކުރުމަށްޓަކައި ބޭނުންވާ ދިރާސާ ހެދުމަށް، ސްރީލަންކާގެ ކުންފުންޏެއްކަމަށްވާ އެން-އޭބަލް ޕްރައިވެޓް ލިމިޓެޑާއި އެކު ދާޚިލީ ސަލާމަތާއި ފަންނިއްޔާތާއި ބެހޭ ވުޒާރާ އިން މިއަދު އެއްބަސްވުމެއްގައި ސޮއިކޮށްފިއެވެ.

މި މަސައްކަތަކީ ޑީސެންޓްރަލައިޒޭޝަން އެންޑް ޑައިވަރސިފިކޭޝަން (ޑީމެޑް) ޕްރޮޖެކްޓްގެ ދަށުން، ވޯލްޑް ބޭންކްގެ ހިލޭ އެހީގައި ފަށާފައިވާ މަސައްކަތެކެވެ. 

މި މަސައްކަތުގެ މުހިންމުކަން ހާމަކުރައްވަމުން، ދާޚިލީ ސަލާމަތާއި ފަންނިއްޔާތާއި ބެހޭ ވުޒާރާ އިން ހާމަކޮށްފައިވާ ގޮތުގައި، މިއީ އެކި ޖިއޯގްރަފިކް ލޮކޭޝަންތަކުގައި ހުންނަ ބްރާންޗް އޮފީސްތައް ގުޅާލުމަށް ބޭނުންކުރާ ނެޓްވޯކް ޓެކްނޯލޮޖީއެކެވެ. 

"އެން.ސީ.އެން އަކީ ސަރުކާރުގެ އިދާރާތަކުން ދޭ ޚިދުމަތްތައް ޑިޖިޓަލައިޒް ކުރުމަށް އޮފީހުގެ އެތެރޭގައި ބޭނުންކުރާ އިންފޮމޭޝަން ސިސްޓަމްތައް ރަށުކައުންސިލްތަކާއި ބްރާންޗް އޮފީސްތަކަށް ފޯރުކޮށްދިނުމާއި އަދި އެކި އިދާރާތަކުގެ މެދުގައި ޑޭޓާ ރައްކާތެރިކަމާއި ހިއްސާކުރުމަށްޓަކައި ނޭޝަނަލް ސެންޓަރ ފޮރ އިންފޮމޭޝަން ޓެކްނޯލޮޖީ (އެން.ސީ.އައި.ޓީ) އާއި ލޯކަލް ގަވަރންމަންޓް އޮތޯރިޓީ (އެލް.ޖީ.އޭ) އިން ޤާއިމްކޮށްފައިވާ ކޮމްޕިއުޓަރ ވިއުގައެކެވެ." އެން.ސީ.އެން.ގެ ފައިދާ އޮޅުންފިލުވައިދެއްވުމުގެ ގޮތުން ދާޚިލީ ސަލާމަތާއި ފަންނިއްޔާތާއި ބެހޭ ވުޒާރާ އިން ހާމަކޮށްފައިވެއެވެ.

ގައުމީ ކޮންޕިއުޓަރ ވިއުގަ އެންމެ ފުރަތަމަ ޤާއިމްކޮށްފައިވަނީ 2000 އަހަރު ތަކުގެ ތެރޭގައި ސެޓަލައިޓް މެދުވެރިކޮށެވެ. ނަމަވެސް ޓެކްނޯލޮޖީއަށް އައި ކުރިއެރުމާއި އަގުތަކަށް އައި ބަދަލާއެކު 2014 އިން ފެށިގެން މި ނެޓްވޯކް އޮޕަރޭޓްކުރަނީ ދިރާގު އަދި އުރީދޫއިން ޤާއިމްކޮށްފައިވާ މުވާސަލާތީ ބިނާވެށީގައެވެ. 

ނަމަވެސް ނެޓްވޯކު މިހާރު ޤާއިމްވެފައި އޮތްގޮތުން، ނެޓްވޯކްގެ ކެޕޭސިޓީ އިތުރު ކުރުމަށާއި، އަޅާފައިވާ ނެޓްވޯކް އިންފްރަސްޓްރަކްޗަރއަށް ލިބޭ ގެއްލުންތަކުން ސަލާމަށްވުމަށްޓަކައި އިތުރު ގޮތްތަކެއް ވަނީ ހޯދަންޖެހިފައެވެ. 

މި ލިޔުން ކިޔާލުމުން

Ads by MSS