ޚަބަރު
ތުއްތު ކުއްޖެއްގެ ކުޑަ ނޯޓްގެ ޖަވާބަކަށް ރައީސް ދެއްވި ހިތްގައިމު ހަދިޔާ

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އަދި ތުއްތު ކުއްޖާ އާއި އެކުއްޖާގެ ބައްޕަފޮޓޯ:ރައީސް އޮފީސް
ހުވަދުއަތޮޅަށް ކުރައްވަމުން ގެންދަވާ ދަތުރުފުޅުގައި ކަނޑުހުޅުދޫއަށް ވަޑައިގެން އެ ރަށުގެ ރައްޔިތުންނާ ބައްދަލުކުރެއްވުމުގެ ތެރެއިން ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ތުއްތުކުއްޖަކަށް ވަރަށް ހިތްގައިމު ހަދިޔާއެއް ދެއްވައިފިއެވެ.
ރަށުގެ ރައްޔިތުންނާ ބައްދަލުކުރައްވަމުން ދަނިކޮށް، ތުއްތު ކުއްޖަކު އެމަނިކުފާނަށް ދެއްވީ ކުޑަ ނޯޓެކެވެ. އެ ލޯބި ތުއްތު ކުއްޖާ ރައީސް އަތަށް ދިއްކޮށްލި ގަނޑުކޮޅުގަ ލިޔެފަ އޮތީ ބައްޕަ ގެނަސްދެއްވުމަށެވެ.ކުއްޖާގެ ބައްޕައަކީ ފުލުހުންގެ ވަޒީފާގައި އާއިލާ އާއި ދުުރުގައި ޖެހިގެން އޮތް އަތޮޅުގަ ހުންނަވާ ފަރާތެކެވެ.

ރައީސް އެތުއްތުކުއްޖާ ދިން ނޯޓް ވިދާޅުވަނީ
އެ ކުއްޖާގެ ބައްޕަ ދިގު މުއްދަތަކަށް އެހެން ރަށެއްގައި ޑިއުޓީގައި ހުރިކަން އެނގިވަޑައިގަތުމާއެކު، ރައީސް ވަގުތުން އެ އޮފިސަރު އަނބުރާ ގެނައުމުގެ އިންތިޒާމު ހަމަޖެއްސެވިއެވެ. އަދި ރައީސް އެއާއިލާ އަށް ދެއްވި ހަދިޔާ އަކީ ވަގުތުން ސްކޮޑެއް ހަމަ ޖައްސައި ދަރިފުޅުގެ ބައްޕަ ދަރިފުޅާ ހަމަޔައް ގެނަސް ދެއްވުމެވެ.
މިއީ ރައްޔިތުންގެ އިހުސާސްތަކަށް ރައީސް ކުރައްވާ އިޚްތިރާމާއި ދެއްވާ ސަމާލުކަމާއި، އެފަދަ މައްސަލަތައް ޙައްލުކުރުމަށް ކުރައްވާ މަސައްކަތްޕުޅުގެ ހެއްކެކެވެ.

ތުއްތު ކުއްޖާ އަދި އެކުއްޖާގެ ބައްޕަ
ބައްޕައާއި ދަރިފުޅު އަލުން ބައްދަލުވި ވަގުތުގެ އުފާވެރިކަން ފެންނަ މަންޒަރު މީސް މީޑިއާގައި އަންނަނީ ދައުރުވަމުންނެވެ.
ދިވެހި ރައްޔިތުންނާއި ޢާއިލާތަކުގެ ދުޅަހެޔޮކަމަށް ރައީސް ދެއްވާ އިސްކަމާއި، އޯގާތެރި ލީޑަރޝިޕްގެ މުހިންމުކަން ފާހަގަކުރެވިގެން ދިޔަ ހިތްގައިމު ވަގުތުކޮޅެކެވެ.

ތުއްތު ކުއްޖާ މަންމަ އަދި ބައްޕައާ އެކު