ރައީސް މުޢިއްޒުގެ ހުވަދު އަތޮޅު ދަތުރުފުޅުގެ އެންމެފަހު މަންޒިލެއްގެ ގޮތުގައި ދެއްވަދޫއަށް

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހުވަދު އަތޮޅަށް ކުރައްވަމުން ގެންދެވި ދަތުރުފުޅުގެ އެންމެ ފަހު ރަށެއްގެ ގޮތުގައި މިއަދު ގއ. ދެއްވަދޫއަށް ވަޑައިގެންފިއެވެ. ދެއްވަދޫއަށް ރައީސް ވަޑައިގަތުމުން އެ ރަށުގެ ރައްޔިތުން ވަނީ ހޫނު މަރުޙަބާއެއް ދަންނަވާފައެވެ.

ދެއްވަދޫއަށް ވަޑައިގެން ރައީސް މުޢިއްޒު ވަނީ އެރަށު ކައުންސިލާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިތުރުން ރަށުގެ ރައްޔިތުންނާ ބައްދަލުކުރައްވާފައެވެ. މި ބައްދަލުވުންތަކުގައި ރަށުގެ ތަރައްޤީއާ ގުޅޭ މުހިންމު މަޝްވަރާތަކެއް ކުރެވުނު ކަމަށް ބެލެވެއެވެ.

ރައީސް މުޢިއްޒުގެ މި ދަތުރުފުޅުގައި ދެއްވަދޫ ހިމެނޭހެން ހުވަދު އަތޮޅުގެ 8 ރަށަކަށް ވަނީ ވަޑައިގަންނަވާފައެވެ. މީގެ ތެރޭގައި ގދ. ނަޑެއްލާ، ގދ. ވާދޫ، ގދ. ފިޔޯރީ، ގދ. ރަތަފަންދޫ، ގއ. ކަނޑުހުޅުދޫ، ގއ. ނިލަންދޫ އަދި ގއ. މާމެންދޫ ހިމެނެއެވެ.

މި ދަތުރުފުޅަކީ ރާއްޖޭގެ ހުރިހާ އަތޮޅަކަށް ޒިޔާރަތްކުރެއްވުމަށާއި އަތޮޅު، ރަށު އަދި ސިޓީ ކައުންސިލުތަކާ ބައްދަލުކުރެއްވުމަށް މިދިޔަ އަހަރު ފަށްޓަވައިގެން ކުރިއަށްގެންދަވާ ސިލްސިލާ ދަތުރުފުޅުތަކުގެ ތެރޭގައި ހިމެނޭ ދަތުރުފުޅެކެވެ. މި ދަތުރުފުޅުތަކުގެ މަޤްޞަދަކީ ރަށްރަށުގެ ތަރައްޤީއާ ގުޅޭ ކަންކަމުގައި ރައްޔިތުންގެ ޚިޔާލު ހޯއްދެވުމާއި، ސަރުކާރުގެ ތަރައްޤީގެ މަޝްރޤީގެ މަޝްރޫޢުތަކާ ގުޅޭގޮތުން މަޢުލޫމާތު ދެއްވުމެވެ.

ރައީސް މުޢިއްޒުގެ މި ދަތުރުފުޅު ނިމުމާއެކު، ހުވަދު އަތޮޅުގެ ރައްޔިތުންނަށް އައު އުންމީދުތަކެއް ލިބިގެންދާނެ ކަމަށް ބެލެވެއެވެ. އަދި މި ދަތުރުފުޅުގެ ސަބަބުން ހުވަދު އަތޮޅުގެ ތަރައްޤީއަށް އިތުރު ބާރެއް ލިބިގެންދާނެ ކަމަށްވެސް އުންމީދު ކުރެވެއެވެ.