Ads by Exprox

ޚަބަރު

ރައީސް މުޢިއްޒު ވައުދުތައް ފުއްދަވާނެކަމުގެ ޔަގީންކަން ރައްޔިތުންނަށް އަރުވައިފި

ރައީސް މުޢިއްޒު ވައުދުތައް ފުއްދަވާނެކަމުގެ ޔަގީންކަން ރައްޔިތުންނަށް އަރުވައިފި

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ފޮޓޯ:ރައީސް އޮފީސް

އާމިނަތު ޔުމްނާ

އާމިނަތު ޔުމްނާ

09 ޖެނުއަރީ 2025، 12:35

09 ޖެނުއަރީ 2025، 12:35

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެމަނިކުފާނު ވެވަޑައިގެންނެވި ވަޢުދުތައް ފުއްދަވައިދެއްވާނެކަމަށް އުއްމީދުކުރެއްވުމާއެކު ޔަގީންވެސް ކުރެއްވުމަށް ރައްޔިތުންނަށް އެދިވަޑައިގެންފިއެވެ. މިހެން ވިދާޅުވެފައިވަނީ ރައްޔިތުންނާ ބައްދަލުކުރެއްވުމަށް ކުރައްވަމުން ގެންދަވާ ދަތުރުފުޅުގެ ތެރެއިން ހުވަދުއަތޮޅަށް ކުރެއްވި ދަތުރުފުޅު ނިންމަވާލައްވައި ނޫސްވެރިންނަށް މައުލޫމާތު ދެއްވަމުންނެވެ.

ރައީސް މުޢިއްޒު ވިދާޅުވީ ރައްޔިތުންނާ ސީދާ ބައްދަލުކުރައްވައި މަޝްވަރާކުރެއްވުމުގެ ސަބަބުން ސަރުކާރުން ހިންގާ މަޝްރޫޢުތައް ކުރިއަށްގެންދެވޭނީ ރައްޔިތުން ބޭނުންވާގޮތަށް ކަމުގެ ޔަގީންކަން ލިބިވަޑައިގަންނަވާ ކަމަށެވެ. އަދި ރައްޔިތުން ތިބީ ވަރަށް ގިނަ އުއްމީދުތަކާއެކުގައި ކަމަށާއި އެ އުއްމީދުތައް ހަގީގަތަކަށް ހައްދައިދެއްވާނެ ކަމަށްވެސް ވިދާޅުވިއެވެ.

މާލޭގައި ހުރެ ސިޓީއަކުން ނުވަތަ ކޮންމެވެސް ރިކުއެސްޓެއްގެ ތެރެއިން އަންނަ ކަންކަމުގެ ތެރެއިން އެއްކަމަކީ ލަސްވުން. އަނެއްކަމަކީ ވަރަށް ގިނަ ފަހަރު ރައްޔިތުން ބޭނުންވާގޮތް ނުވެފައޮވޭ

 ރައީސް މުޢިއްޒު

އެމަނިކުފާނު އިތުރަށް ވިދާޅުވީ ސީދާ ރައްޔިތުންނާ ބައްދަލުކޮށް ކަންކަން އޮޅުންފިލުވުމުން ވަރަށް ބޮޑަށް ފަސޭހަވެގެންދާ ކަމަށެވެ.

ރައީސް މުޢިއްޒު ވިދާޅުވީ މިއަހަރާއި އަންނަ އަހަރަކީ އެމަނިކުފާނު ރާއްޖޭގެ ރަށްތަކަށް ވެވަޑައިގެންފައިވާ ވައުދުތަކުގެ މަސައްކަތްތައް ފެށިގެންދާނެ ދެ އަހަރު ކަމަށެވެ. އަދި މި ވައުދުތައް ފުއްދަވާނީ ރައްޔިތުންގެ މަޝްވަރާއާއެކު ރައްޔިތުން ބޭނުންވާ ގޮތަށް ކަމަށްވެސް އެމަނިކުފާނު ވިދާޅުވިއެވެ.
                    

މި ލިޔުން ކިޔާލުމުން

Ads by MSS