ޚަބަރު
އެސްޓޯނިއާއަށް ކުރައްވާ ދަތުރުފުޅުގައި ރައީސުލްޖުމްހޫރިއްޔާ ފުރާވަޑައިގެންފި

ރައީސުލްޖުމްހޫރިއްޔާ އެސްޓޯނިއާއަށް ފުރާވަޑައިގަތުން، ފޮޓޯ: ރައީސް އޮފީސް

ފަރުދުން
13 ޖެނުއަރީ 2025، 10:43
13 ޖެނުއަރީ 2025، 10:43
ހުލާސާ
މި ދަތުރުފުޅުގެ މައިގަނޑު މަޤްސަދަކީ، އެ މަނިކުފާނުގެ ޑިޖިޓަލް ޓްރާންސްފޮމޭޝަންގެ މަގު އެކަށައެޅުން.
އެސްޓޯނިއާއަށް ކުރައްވާ ރަސްމީ ދަތުރުފުޅުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ފުރާވަޑައިގަންނަވައިފިއެވެ.
ރައީސުލްޖުމްހޫރިއްޔާގެ މި ދަތުރުފުޅަކީ، އެސްޓޯނިއާގެ ރައީސް، ޑރ. އަލާލް ކަރިސްގެ ދަޢުވަތަކަށް ކުރައްވާ ދަތުރުފުޅެކެވެ. މި ދަތުރުފުޅުގައި ހަތަރު ދުވަސް ހޭދަވާނެއެވެ. އެގޮތުން އެ މަނިކުފާނު އަނބުރާ ރާއްޖެ ވަޑައިގެންނެވުމަށް ހަމަޖެހިފައިވަނީ މި މަހުގެ 16 ވަނަ ދުވަހެވެ.
މިއީ ރާއްޖޭގެ ރައީސަކު އެސްޓޯނިއާއަށް ކުރައްވާ ފުރަތަމަ ދަތުރުފުޅެވެ.
ރައީސުލްޖުމްހޫރިއްޔާގެ މި ދަތުރުފުޅުގެ މައިގަނޑު މަޤްސަދަކީ، އެ މަނިކުފާނުގެ ޑިޖިޓަލް ޓްރާންސްފޮމޭޝަންގެ މަގު އެކަށައެޅުމެވެ. މި ކަމަކީ އެ މަނިކުފާނުގެ ވެރިކަމުގައި ހާސިލްކުރެއްވުމަށް އިސްކަން ދެއްވާ މުހިންމުކަމެއް ވެސް މެއެވެ.
މީގެ އިތުރުން މި ދަތުރުފުޅުގައި، ޑިޖިޓަލް، ސައިބަރ އަދި އީ-ގަވަނަންސް، މޫސުމީ ބަދަލު، ތިމާވެށީގެ މައްސަލަތައް އަދި ސައިންސާއި ތަޢުލީމީ ދާއިރާއިން ދެ ޤައުމުން ގުޅިގެން ކުރެވޭނެކަންކަމާމެދު މަޝްވަރާކުރެއްވުމަށް ވަނީ ހަމަޖެހިފައެވެ.
އެސްޓޯނިއާއަކީ މި ދާއިރާއިން ކުރިއަރާފައި އޮތް ޤައުމެކެވެ. އަދި މިއީ އީ-ގަވަނެންސްގައި މުޅި ދުނިޔެއިން މިސާލަކަށްބަލާ މަދު ޤައުމުތަކުގެ ތެރެއިން އެއް ޤައުމެވެ.