Ads by Exprox

ޚަބަރު

ރާއްޖޭގެ އެސްއީޒެޑުގައި އިންވެސްޓްކުރެވޭނެ އެންމެ ކުޑަ އަގަކީ 100 މިލިއަން ޑޮލަރު ކަމުގައި ހަޖައްސައިފި

ރާއްޖޭގެ އެސްއީޒެޑުގައި އިންވެސްޓްކުރެވޭނެ އެންމެ ކުޑަ އަގަކީ 100 މިލިއަން ޑޮލަރު ކަމުގައި ހަޖައްސައިފި

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު

މިފްތާޙް މުޙައްމަދު

މިފްތާޙް މުޙައްމަދު

13 ޖެނުއަރީ 2025، 10:43

13 ޖެނުއަރީ 2025، 10:43

ހުލާސާ

ޤާނޫނަށް ގެނައި ބަދަލުގައި އެސްއީޒެޑުގައި ތަރައްޤީ ކުރުމަށް ހުށަހަޅާ ސަސްޓެއިނަބަލް ޓައުންޝިޕް ޑިވެލޮޕްމަންޓް މަޝްރޫޢުތަކުގެ އެންމެ ކުޑަ އަގު ވެސް ކަނޑައަޅާފައިވޭ.

ދިވެހިރާއްޖޭގައި ޤާއިމުކުރާ ސްޕެޝަލް އިކޮނޮމިކް ޒޯން (އެސް.އީ.ޒެޑް) އެއްގައި ހިންގިދާނެ އިޤްތިޞާދީ މަސައްކަތްތަކުގެ އެންމެ ކުޑަ އަގަކީ 100 މިލިއަން ޑޮލަރުކަމުގައި ހަމަޖައްސައިފިއެވެ.

ސްޕެޝަލް އިކޮނޮމިކް ޒޯނުގެ ޤާނޫނަށް ބަދަލު ގެނަސް، މި ބަދަލުތައް ކަނޑައެޅުއްވީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުއެވެ.

މި ބަދަލާއެކު، އެސްއީޒެޑުގައި ތަރައްޤީ ކުރުމަށް ހުށަހަޅާ ސަސްޓެއިނަބަލް ޓައުންޝިޕް ޑިވެލޮޕްމަންޓް މަޝްރޫޢުތަކުގެ އެންމެ ކުޑަ އަގު ވެސް ކަނޑައަޅާފައިވެއެވެ. އެގޮތުން މިފަދަ މަޝްރޫޢުތަކުގެ އެންމެ ކުޑަ އަގަކީ 500 މިލިއަން ޑޮލަރެވެ.

އިންވެސްޓްކުރެވޭނެ އަގުތަކުގެ އިތުރުން، މި ޤާނޫނަށް ގެނައި ބަދަލުތަކުގެ ތެރޭގައި އެސްއީޒެޑު ޒޯންތަކުގައި ހިންގިދާނެ ނުވަ ބާވަތެއްގެ މަސައްކަތެއް ވެސް ވަނީ ހިމަނާފައެވެ.

އެ ބާވަތްތަކުގެ ތެރޭގައި ހިމެނެނީ؛

(ހ) އެކްސްޕޯޓަށް އިސްކަންދީގެން ހިންގާ މެނުފެކްޗަރިންގގެ އެކި ބާވަތުގެ މަސައްކަތްތައް.
(ށ) ޓްރާންސްޝިޕްމަންޓް ޕޯޓް، އިންޓަރނޭޝަނަލް ލޮޖިސްޓިކްސް، ޕޯޓް، އެއަރޕޯޓް، ބަލްކް ބްރޭކިންގ، ބަންކަރިންގ، ޑޮކިންގ ސަރވިސަސް.
(ނ) ޔުނިވަރސިޓީ، ޓާޝަރީ ހޮސްޕިޓަލް، ސްޕެޝަލިޓީ ހޮސްޕިޓަލް، ދުނިޔޭގެ ފެންވަރުގެ ރިސަރޗް އެންޑް ޑިވެލޮޕްމަންޓް ފެސިލިޓީތައް.
(ރ) ދުނިޔޭގެ ފެންވަރުގެ އިންފޮމޭޝަން ކޮމިއުނިކޭޝަން ޓެކްނޮލޮޖީ (އައި.ސީ.ޓީ) ޕާކް، އައި.ސީޓީއާ ގުޅޭ ފެސިލިޓީތައް.
(ބ) އިންޓަރނޭޝަނަލް ފައިނޭންޝަލް ސަރވިސަސް، އިންޓަނޭޝަނަލް ޓްރޭޑް ސެންޓަރުތައް.
(ޅ) އިޢާދަ ކުރަނިވި ހަކަތައިގެ ދާއިރާ.
(ކ) ރާއްޖޭގައި ނެތް ޓެކްނޮލޮޖީއެއް ރާއްޖެއަށް އާންމުކުރުމަށް ހިންގޭ މަސައްކަތްތައް.
(އ) ފުޑް ސެކިއުރިޓީގެ ދާއިރާ.
(ވ) ގޭސް އެކްސްޕްލޮރޭޝަންގެ މަސައްކަތްތައް.

މި ދާއިރާތަކުން ކުރާ އިންވެސްޓްމެންޓްތަކުގައި މިނިމަމް އިންވެސްޓްމަންޓުގެ ގޮތުގައި ކަނޑައަޅައިފައިވާ 500 މިލިޔަން އެމެރިކާ ޑޮލަރު ޚާއްޞަ ކުރަންވާނީ ސަސްޓެއިނަބަލް ޓައުންޝިޕް ޑިވެލޮޕްމަންޓުގެ ކޮމްޕޯނަންޓްތަކަށް ކަމަށްވެސް އެ ޤަރާރުގައި ކަނޑައަޅުއްވާފައިވެއެވެ.

މި ލިޔުން ކިޔާލުމުން

Ads by MSS