ޚަބަރު
ބައިނަލްއަޤްވާމީ ޤާނޫނާއި އދ. ގެ ޗާޓަރު ދިފާޢުކުރުމަށްޓަކައި ކުދި ޤައުމުތައް އެއްބައިވާން ޖެހޭ: އެސްޓޯނިއާގެ ރައީސް
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ފޮޓޯ:ރައީސް އޮފީސް
ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަށް އެސްޓޯނިއާގެ ރައީސް އަލާރ ކާރިސް މަރުޚަބާ ދަންނަވައިފިއެވެ.
އެސްޓޯނިއާގެ ރައީސް އަލާރ ކާރިސް އެކްސް ގައި ކުރެއްވި ޕޯސްޓެއްގައި ވިދާޅުވެފައިވަނީ، މި ތާރީޚީ ޒިޔާރަތުގައި އެސްޓޯނިއާއިން ދިވެހިރާއްޖޭގެ ރައީސް ޑރ. މުޢިއްޒަށް މަރުޙަބާ ދަންނަވާ ކަމަށެވެ. އަދި މޫސުމަށް އަންނަ ބަދަލުތަކާއި، ޑިޖިޓަލް އައު އީޖާދުތަކާއި އަދި ސައިބަރ ދާއިރާގެ ސަލާމަތްތެރިކަމުގެ ދާއިރާތަކުން ގުޅުން ބަދަހިކުރުމަށް އެސްޓޯނިއާ ސަރުކާރުން ތައްޔާރަށް ތިއްބެވިކަންވަނީ ހާމަކުރައްވާފައެވެ.
Welcome to #Estonia, President of #Maldives Dr @MMuizzu, on this historic visit! We are ready to deepen ties in climate, digital innovation & cyber resilience. Small nations must unite to defend international law & the UN Charter. Maldives’ commitment to this is highly valued. pic.twitter.com/9cfqVOgxCu
— Alar Karis (@AlarKaris) January 13, 2025
މީގެއިތުރުން، ބައިނަލްއަޤްވާމީ ޤާނޫނާއި އދ. ގެ ޗާޓަރު ދިފާޢުކުރުމަށްޓަކައި ކުދި ޤައުމުތައް އެއްބައިވާން ޖެހޭކަމަށް އެސްޓޯނިއާގެ ރައީސް ފާހަގަކުރައްވާފައިވެއެވެ. އަދި މިކަމަށް ދިވެހިރާއްޖެއިން ދެއްވާ އެއްބާރުލެއްވުން ވަރަށް ބޮޑަށް އަގުވަޒަންކުރައްވާ ކަމަށްވެސް ވިދާޅުވެފައިވެއެވެ.
ރައީސް ޑރ. މުޢިއްޒުގެ މި ދަތުރުފުޅަކީ ދިވެހިރާއްޖެއާއި އެސްޓޯނިއާގެ ގުޅުން އިތުރަށް ވަރުގަދަކޮށް، ދެ ޤައުމުގެ މެދުގައި އޮތް އެކުވެރިކަން އިތުރަށް ބަދަހިކުރުމަށް މަގުފަހިވެގެންދާނެ ދަތުރުފުޅެއް ކަމަށް ބެލެވެއެވެ.
