ޚަބަރު
ޅެންވެރިންގެ ޝުޢޫރުތަކުން ދަރީންގެ އަޚްލާޤު އާލާކުރުމަށް ރައީސް އިލްތިމާސް ކުރައްވައިފި
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ މެސެޖެއް ފޮޓޯ:ރައީސް
ދިވެހި ޅެންވެރިންގެ ދުވަހުގެ މުނާސަބަތުގައި، ޅެންވެރިންގެ ޝުޢޫރުތަކުން ދަރީންގެ ތަރުބިއްޔަތަށް މަގުދައްކައިދީ، ދަރިންގެ ކިބައިގައި މަތިވެރި އަޚްލާޤު ދިރުވައި އާލާކޮށްދިނުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެދިވަޑައިގެންފިއެވެ.
މިއަދު، 15 ޖެނުއަރީ 2024 ގައި ފާހަގަކުރެވޭ ދިވެހި ޅެންވެރިންގެ ދުވަހާ ގުޅިގެން، ރައީސް މުޢިއްޒު ސޯޝަލް މީޑިއާ ޕްލެޓްފޯމް އެކްސްގައި ޕޯސްޓެއް ހިއްސާކުރެއްވިއެވެ. މި ޕޯސްޓުގައި ރައީސް، ދިވެހި ހުރިހާ ޅެންވެރިންނަށް ހެޔޮއެދުންތައް ފޮނުއްވައި، ޅެންވެރިންގެ މުހިންމު ދައުރު ފާހަގަކުރެއްވިއެވެ.
— Dr Mohamed Muizzu (@MMuizzu) January 15, 2025
ދިވެހި އަދަބިއްޔާތުގެ މުހިންމު ބައެއްގެ ގޮތުގައި ޅެންވެރިކަން ފާހަގަކުރައްވަމުން، ރައީސް ވިދާޅުވީ ދިވެހި ޅެންތަކަކީ ފުން އަސަރާއި ފަށުވިކަން އެކުލެވޭ އުފެއްދުންތަކެއް ކަމަށެވެ. އަދި މި ޅެންތަކުން ދިވެހި އަދީބުންގެ އުފެއްދުންތެރިކަމާއި މުއްސަނދި ޚިޔާލުތައް ފެންނަ ކަމަށްވެސް ވިދާޅުވިއެވެ.
ޅެންވެރިންގެ ދުވަސް ރާއްޖޭގައި ފާހަގަކުރަން ފެށީ 1989 ވަނަ އަހަރުން ފެށިގެންނެވެ. މިއަހަރުގެ ޅެންވެރިންގެ ދުވަސް ތަޚްސީސްކުރެވިފައިވަނީ ދިވެހިބަހުގެ އުސްތާޛް، ހ. އާމުލީގެ ނިޝާން ޢިއްޒުއްދީންގެ ޢިއްޒަތުގެ ވެރިޔާ ޢަބްދުﷲ ޞާދިޤުއަށެވެ.
މި މުނާސަބަތު ފާހަގަކުރުމަށް ޚާއްސަ ޖަލްސާއެއް މާދަމާ ރޭ ބޭއްވުމަށް ސަރުކާރުން ވަނީ ނިންމަވާފައެވެ.
