Ads by Exprox

ޚަބަރު

މި އަހަރުގެ ޖުލައި މަހުގެ ނިޔަލަށް، ރ. އަދި ބ. އަތޮޅުގައި އާރުޓީއެލްގެ ޙިދުމަތް ފަށަނީ

މި އަހަރުގެ ޖުލައި މަހުގެ ނިޔަލަށް، ރ. އަދި ބ. އަތޮޅުގައި އާރުޓީއެލްގެ ޙިދުމަތް ފަށަނީ

އާރުޓީއެލް ޚިދުމަތް ދިނުމަށް ޙާއްސަކޮށްފައިވާ ފެރީތަކެއް، ފޮޓޯ: އެމްޓީސީސީ

މިފްތާޙް މުޙައްމަދު

މިފްތާޙް މުޙައްމަދު

22 ޖެނުއަރީ 2025، 08:00

22 ޖެނުއަރީ 2025، 08:00

ހުލާސާ

ރ އަތޮޅުގައި މި ޚިދުމަތް ޖޫންގައި ފަށާއިރު، ބ އަތޮޅުގައި ފަށާނީ ޖުލައި މަހު.

ރ އަތޮޅަކީ މި ޚިދުމަތް ފަށާނެ 10ވަނަ އަތޮޅު.

މި އަހަރުގެ ޖުލައި މަހުގެ ނިޔަލަށް، ރ އަތޮޅާއި ބ އަތޮޅުގައި އާރުޓީއެލްގެ ޙިދުމަތް ފައްޓަވާނެކަމަށް ރައީސުލްޖުމްހޫރިއްޔާ ވިދާޅުވެއްޖެއެވެ. 

އެ މަނިކުފާނު މިހެން ވިދާޅުވީ، ރ އަތޮޅަށް މިހާރު ކުރައްވަމުން ގެންދަވާ ދަތުރުފުޅުގައި، ރ. އުނގޫފާރުގެ ރައްޔިތުންނާ ބައްދަލުކުރެއްވުމަށް އަންގާރަ ދުވަހުގެރޭ ބޭއްވެވި ޖަލްސާގައެވެ.

ރައީސުލްޖުމްހޫރިއްޔާގެ ވާހަކަފުޅުގައި ވިދާޅުވެފައިވަނީ، ދެން އެންމެ އަވަހަށް އާރުޓީއެލްގެ ޚިދުމަތް ފެށުމަށް ހަމަޖެހިފައިވަނީ ރ އަތޮޅުގައި ކަމަށާއި، އެއަށްފަހު ދެން އެ ޚިދުމަތް ފައްޓަވާނީ ބ އަތޮޅުގައި ކަމަށެވެ.

ދެން އެންމެ އަވަހަށް މި ޚިދުމަތް ޤައިމްވެގެންދާނެ ރަށަކީ މި އަތޮޅުކަމުގައި (ރ އަތޮޅު) އަޅުގަނޑު ފާހަގަކުރަން. އެއަށްފަހު މި ޚިދުމަތް ދެން ފަށާނީ ބ އަތޮޅުގައި.

އާރުޓީއެލްގެ ޙިދުމަތް ފުޅާކުރެއްވުމުގެ ވިސްނުންފުޅު ޙިއްސާކުރައްވަމުން ރައީސުލްޖުމްހޫރިއްޔާ ވިދާޅުވިއެވެ.

އެގޮތުން ރ އަތޮޅުގައި މި ޚިދުމަތް ފެއްޓެވުމަށް ހަމަޖެހިފައި ވަނީ ޖޫން މަހުގައި ކަމަށާއި، ޖުލައި މަހުގެ ނިޔަލަށް ރ އަތޮޅުގައި އެ ޚިދުމަތް ފައްޓަވާނެކަމަށް އެ މަނިކުފާނު ޙިއްސާކުރެއްވިއެވެ. 

މި އަހަރުގެ ޖޫން މަހު މި އަތޮޅުގަ، ބ އަތޮޅުގައި ޖުލައި މަހުގައި. އެހެންވީމާ ޖުލައި މަސް ނިމުމުގެ ކުރިން މި ދެ އަތޮޅުގައި އާރުޓީއެލްގެ ޚިދުމަތް ފަށާނެކަން މިރޭ އަޅުގަނޑު ތިބޭފުޅުންނަށް ދަންނަވާލަން.

އަންގާރަ ދުވަހުގެރޭ އުނގޫފާރުގެ ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައި ރައީސުލްޖުމްހޫރިއްޔާ ވިދާޅުވިއެވެ.

މީގެ އިތުރުން، އާރުޓީއެލްގެ ޙިދުމަތް ފަށާފައިނުވާ އަތޮޅުތަކުގައި މި އަހަރު ނިމުމުގެ ކުރިން ޚިދުމަތް ފައްޓަވާދެއްވާނެކަމަށް ވެސް އެ މަނިކުފާނު ވަނީ ވިދާޅުވެފައެވެ. 

އާރުޓީއެލްގެ ޚިދުމަތް މިހާރު 9 އަތޮޅެއްގައި ފަށާފައި ވެއެވެ. އެއީ ހއ، ހދ، ށ، ނ އަދި ޅ އަތޮޅުގެ އިތުރުން، އެންމެ ދެކުނުން ގއ، ގދ، ފުވައްމުލައް އަދި އައްޑޫގައި ވެސް މިހާރު ވަނީ މި ޚިދުމަތް ފަށާފައެވެ.

އެންމެ ފަހުން މި ޚިދުމަތް ފަށާފައި ވަނީ ނ އަތޮޅުގައެވެ. ނ އަތޮޅުގައި ޚިދުމަތް ފެށީ 25 ޖުލައި 2024 ގައެވެ.

މި ލިޔުން ކިޔާލުމުން

Ads by MSS