ޚަބަރު
ސަޢޫދީގެ ޝާހީ ހާންދާނަށް ނިސްބަތްވެވަޑައިގަންނަވާ އަލްއަމީރު މުޙައްމަދު ބިން ފަޙުދު އަވަހާރަވުމާ ގުޅިގެން ރައީސުލްޖުމްހޫރިއްޔާ ތަޢުޒިޔާ ވިދާޅުވެއްޖެ

ސައުދީ ޢަރަބިއްޔާގެ ރަސްގެފާނު މުޙައްމަދު ބިން އަބްދުލް ޢަޒީޒް--

ފަރުދުން
29 ޖެނުއަރީ 2025، 08:34
29 ޖެނުއަރީ 2025، 08:34
ހުލާސާ
ރައީސުލްޖުމްހޫރިއްޔާގެ މެސެޖުގައި އަލްމަރުޙޫމް އަލްއަމީރު މުޙައްމަދު ބިން ފަޙުދު ކުރެއްވެވި ޚިދުމަތްތަކަށް އަލިއަޅުވާލެއްވި.
ސަޢޫދީގެ ޝާހީ ހާންދާނަށް ނިސްބަތްވެވަޑައިގަންނަވާ އަލްއަމީރު މުޙައްމަދު ބިން ފަޙުދު އަލް ސައޫދު އަވަހާރަވުމާ ގުޅިގެން، ސަޢޫދީ އަރަބިއްޔާގެ ރަސްގެފާނު، ސަލްމާން ބިން ޢަބްދުލްޢަޒީޒް އަލް ސަޢުދަށް، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ތަޢުޒިޔާ ވިދާޅުވެއްޖެއެވެ.
ރައީސުލްޖުމްހޫރިއްޔާގެ މެސެޖުގައި އަލްމަރުޙޫމް އަލްއަމީރު މުޙައްމަދު ބިން ފަޙުދު ކުރެއްވެވި ޚިދުމަތްތަކަށް އަލިއަޅުވާލާ ވާހަކަފުޅު ދައްކަވާފައިވެއެވެ.
އެގޮތުން އިޖުތިމާޢީ ގޮތުންނާއި އިންސާނިއްޔަތަށް އެހީތެރިކަން ފޯރުކޮށްދިނުމުގެ ދާއިރާއިންނާއި، އަދި މީގެތެރެއިން ވެސް ޒުވާނުންގެ ކުރިއެރުމަށާއިި، ޞިއްޙީ ޚިދުމަތުގެ ވަސީލަތްތައް ހޯދުމަށް ފަސޭހަ ގޮތްތައް މަގުފަހި ކޮށްދެއްވުމާއި، ދިރިއުޅުމުގެ ފެންވަރު ރަނގަޅު ކުރުމަށް އަލްމަރުޙޫމް އަލްއަމީރު މުޙައްމަދު ކުރެއްވެވި މިންނެތް މަސައްކަތްޕުޅު ފާހަގަކުރައްވާފައިވެއެވެ.
ރައީސުލްޖުމްހޫރިއްޔާގެ މި މެސެޖުގައި، އަލްމަރުޙޫމް އަލްއަމީރު މުޙައްމަދުގެ ފުރާނަފުޅަށް ހެޔޮ ރަޙްމަތްލައްވައި މަރުޙޫމާގެ ފާފަ ފުއްސެވުމަށް އެދިވަޑައިގަންނަވާ ކަމުގައި ވިދާޅުވެފައިވެއެވެ. އަދި މި ދަނޑިވަޅުގައި ރަސްގެފާނަށާއި، ޝާހީ ޢާއިލާއަށާއި، އެ ޤައުމުގެ ރައްޔިތުންނަށް މި ކުރިމަތިވި ހިތާމައިގައި ހަމަޖެހުމާއި ހިތްވަރު މިންވަރުކޮށްދެއްވުމަށް އެދިވަޑައިގެން ދުޢާ ދަންނަވާފައިވެއެވެ.
އަލްއަމީރު މުޙައްމަދު ބިން ފަޙުދު އަލް ސައޫދު އަވަހާރަވިއިރު އެ މަނިކުފާނުގެ އުމުރަކީ 75 އަހަރުފުޅެވެ.