އިދިކޮޅުން ބޭއްވި އެއްވުމުން ފެނިގެން ދިޔައީ ހިޔާލުފާޅުކުރުމުގެ މިނިވަންކަމަށް ރައީސުލްޖުމްހޫރިއްޔާ ދެއްވާ އަހައްމިއްޔަތު: ސްޕޯކްސްޕާރސަން

އިދިކޮޅު އެމްޑީޕީ އިން ރޭ މާލޭގައި ބޭއްވި އެއްވުމުން ފެނިގެންދިޔައީ، ހިޔާލުފާޅުކުރުމުގެ މިނިވަންކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ދެއްވާ އަހައްމިއްޔަތުކަންކަމަށް، ރައީސުލްޖުމްހޫރިއްޔާގެ އޮފީހުގެ ތަރުޖަމާނު، ޙީނާ ވަލީދު ވިދާޅުވެއްޖެއެވެ.

ސޯޝަލް މީޑިއާގައި ހީނާ ވަލީދު ކުރެއްވި ޕޯސްޓެއްގައި ވިދާޅުވީ، ރައީސުލްޖުމްހޫރިއްޔާގެ ސިޔާސަތަކީ އެއްވެ އުޅުމުގެ މިނިވަންކަމާއި ޚިޔާލު ފާޅުކުރުމުގެ މިނިވަންކަން ލިއްބައިދީ ހިމާޔަތްކުރުން ކަމަށެވެ.

The opposition rally tonight, with the presence of law enforcement, is a testament to how this Administration values rights enshrined in the Constitution, such as freedom of assembly and speech. President Dr @MMuizzu’s policy is to protect & ensure freedom of expression.

— Heena Waleed (@MvSpokesperson) January 31, 2025

އިދިކޮޅުން ރޭ އާޓިފިޝަލް ބީޗަށް އެއްވުމަށްފަހު ކުރިޔަށް ގެންދިޔަ ހިނގާލުމުގައި، ޤާނޫނު ތަންފީޒުކުރާ ފަރާތްތަކުން ވަނީ އެއްބާރުލުންދީފައެވެ. މިކަމުން، އެއްވެ އުޅުމުގެ މިނިވަންކަމާއި ޚިޔާލު ފާޅުކުރުމުގެ މިނިވަންކަންފަދަ ހައްޤުތައް ހިމާޔަތްކުރުމަށް މިސަރުކަރުން ދޭ އަހައްމިޔަތު ހާމަވެގެންދިޔަކަމަށް ހީނާ ފާހަގަކުރެއްވެވިއެވެ.

އެމްޑީޕީއިން ރޭ ބޭއްވި އެއްވުމުގައި އެ ޕާޓީގެ އާންމު މެންބަރުންނާއި، މަޖިލީހުގައި އެ ޕާޓީ ތަމްސީލުކުރައްވާ ބޭފުޅުންގެ އިތުރުން، އެ ޕާޓީއަށް ތާއީދުކުރާ ފަރާތްތަކުން ބައިވެރިވެފައިވެއެވެ.