ސްރީލަންކާގެ މިނިވަން ދުވަހުގެ މުނާސަބަތުގައި ރައީސުލްޖުމްހޫރިއްޔާ ތަހުނިޔާ ފޮނުއްވައިފި

ރާއްޖޭގެ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އަވަަށްޓެރި ސްރީލަންކާގެ މިނިވަން ދުވަހުގެ ތަހުނިޔާ އެ ޤައުމުގެ ރައީސް އަނުރާ ދިސާނާޔަކެއަށާއި ބޮޑުވަޒީރު ޑރ. ހަރިނި އަމަރަސޫރިޔަ އަށް ފޮނުއްވައިފިއެވެ.އެކްސް މެދުވެރިކޮށް ފޮނުއްވި މެސެޖެއްގައި ރައީސް މުޢިއްޒު ވަނީ ސްރީލަންކާގެ ސަރުކާރަށާއި އެ ޤައުމުގެ ރައްޔިތުންނަށްވެސް ތަހުނިޔާ ފޮނުއްވާފައެވެ.

ރައީސް މުޢިއްޒުގެ މެސެޖުގައި ވިދާޅުވެފައިވަނީ ދެ ޤައުމުގެ ދެމެދުގައި ހިއްސާކުރެވޭ އަގުތަކާއި، އެއްބައިވަންތަކަމާއި އަދި އެއްބަޔަކު އަނެއްބަޔަކަށް އޮންނަ އިތުބާރުގެ މައްޗަށް ބިނާވެފައިވާ ޚާއްސަ ގުޅުމެއް އޮންނަ ކަމަށެވެ. އަދި އަވައްޓެރިކަމާއި، ގަރުނުތަކުގެ ރައްޓެހިކަމާއި، ހެޔޮ އެދުމުގެ މައްޗަށް ބިނާވެފައިވާ ދިވެހިރާއްޖެއާއި ސްރީލަންކާގެ ގުޅުން އިތުރަށް ބަދަހިވެގެންދާނެ ކަމުގެ ޔަޤީންކަން އޮތް ކަމަށްވެސް ވިދާޅުވެފައިވެއެވެ.

Heartfelt Independence Day felicitations to President @anuradisanayake, Prime Minister @Dr_HariniA, the government, and the friendly people of Sri Lanka.

Our countries share a special bond based on shared values, understanding, and mutual trust. I am confident that the 🇱🇰- 🇲🇻… pic.twitter.com/UGVvcM2s62

— Dr Mohamed Muizzu (@MMuizzu) February 4, 2025

މީގެއިތުރުން، ސްރީލަންކާގެ ރައްޔިތުންނަށް ސުލްޙައާއި، ފާގަތިކަމާއި އަދި ކުރިއެރުން އެދިވަޑައިގެންފައިވެއެވެ.

ސްރީލަންކާގެ މިނިވަން ދުވަސް ފާހަގަކުރަނީ ކޮންމެ އަހަރެއްގެ ފެބްރުއަރީ 4 ވަނަ ދުވަހުއެވެ. މިއީ 1948 ވަނަ އަހަރު ބްރިޓިޝް ކޮލޮނިއަލް ވެރިކަމުން މިނިވަންވި ދުވަހެވެ. މި އަހަރަކީ ސްރީލަންކާގެ 77 ވަނަ މިނިވަން ދުވަހެވެ.