Ads by Exprox

ޚަބަރު

ރައްޔިތުންނަށް މާލީ ތަކުލީފެއްނެތި އާސަންދައިން ބޭސް ލިބޭނެކަން ކަށަވަރުކުރައްވާނެކަމަށް ރައީސް ވިދާޅުވެއްޖެ

ރައްޔިތުންނަށް މާލީ ތަކުލީފެއްނެތި އާސަންދައިން ބޭސް ލިބޭނެކަން ކަށަވަރުކުރައްވާނެކަމަށް ރައީސް ވިދާޅުވެއްޖެ

އާސަންދަ އޮފީސް ފޮޓޯ:މޯލްޑިވްސް ފައިނޭންޝަލް ރިިވިއު

އާމިނަތު ޔުމްނާ

އާމިނަތު ޔުމްނާ

06 ފެބްރުއަރީ 2025، 12:28

06 ފެބްރުއަރީ 2025، 12:28

އާސަންދައިން ބޭސް ހޯދުމުގައި ރައްޔިތުންނަށް މާލީ ތަކުލީފެއް ކުރިމަތިނުވާނޭކަން ކަށަވަރުކުރައްވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. މިއަދު ރިޔާސީ ބަޔާން އިއްވަވަމުން ރައީސް ވިދާޅުވީ އާސަންދަ ނިޒާމު ހަރުދަނާކުރުމަށް މިއަހަރުގެ ތެރޭގައި އިތުރު ފިޔަވަޅުތަކެއް އަޅުއްވާނެކަމަށެވެ.

ރައީސުލްޖުމްހޫރިއްޔާ ވިދާޅުވީ، އާސަންދައިގެ ތެރެއިން ނާޖާއިޒު ގޮތުގައި ބަޔަކު ފައިދާ ނަގަމުންދިޔަކަން ހާމަވެފައިވާ ކަމަށާއި، އެކަން ހުއްޓުވުމަށް ފިޔަވަޅުއެޅުއްވުމުގައި ފަހަތަށް ޖެހިވަޑައިނުގަންނަވާނެކަމަށެވެ. މިގޮތުން، ނިމިދިޔަ އަހަރު އާސަންދައިގެ ޚަރަދުތައް ކުޑަކުރެއްވުމަށް އެޅުއްވި ފިޔަވަޅުތަކުގެ ތެރޭގައި ބަލްކް ޕްރޮކިއުމަންޓް އުސޫލުން ބޭސް އެތެރެކުރުމުގެ މަސައްކަތް ފެއްޓެވުމާއި، 250 ބޭހެއްގެ އަގު ކޮންޓްރޯލްކުރެއްވުން ހިމެނެއެވެ.

މި ބަދަލުތަކާއެކު، ބައެއް ފަރާތްތަކުން ކަންކުރަން ފެށި ގޮތުން، ޢާއްމު ރައްޔިތުންނަށް ދަތިތަކެއް ކުރިމަތިވާން ފެށި. ނަމަވެސް އެންމެ ފިޔަވަޅެއް ވެސް ފަހަތަށް ނުޖެހި، އެކަމުގައި އަޅުގަނޑުމެން ކުރިއަށް ފިޔަވަޅުއެޅީމު. އަދި މިއަހަރުގެ ތެރޭގައި މިގޮތުން އަޅާ ފިޔަވަޅުތައް އިތުރަށް ވަރުގަދަކުރާނަން

 ރައީސް މުޢިއްޒު

އިތުރަށް ރައީސް ވިދާޅުވީ، އާސަންދައިގެ ޚިދުމަތްދޭ އެކި ފިހާރަތަކުން ބޭސް އެކި އަގުގައި ދޫކުރާ މައްސަލަ ހައްލުކުރައްވާނެކަމަށެވެ. އަދި މާލެއާއި ރަށްރަށުގައިވެސް  ބޭސް ލިބުމަށް ހުރި މައްސަލަތައް ހައްލުކުރެއްވުމަށް އިތުރު ޚަރަދެއްކުރަން ނުޖެހި، ފެންވަރު ރަނގަޅު ބޭސް ލިބޭނެކަން ކަށަވަރުކުރުމަށް މުހިންމު ޚިދުމަތްތަކެއް މި އަހަރުގެ ތެރޭގައި ތަޢާރަފުކުރައްވާނެކަމަށް ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ ރާއްޖޭގެ ސިއްޙީ ނިޒާމު ހަރުދަނާކަމާއެކު ކުރިއަށްގެންދިޔުމުގައި އާސަންދަ ސްކީމަކީ މުހިންމު ސްކީމެއްކަމަށެވެ. އެހެންކަމުން ސިއްޙީ ނިޒާމުގެ ތަރައްޤީ އާސަންދައާ ސީދާގުޅިފައިވާތީ އެ ސްކީމް އަދުލުވެރިކަމާއެކު ދެމެހެއްޓުމަކީ މުހިންމުކަމެއްކަމަށް ރައީސުލްޖުމްހޫރިއްޔާ ވިދާޅުވިއެވެ.

ރައްޔިތުންނަށް އެންމެ ފައިދާ ހުރި އެންމެ އިންސާފުވެރި ގޮތް އަބަދުވެސް އިސްކުރާނަން

ރައީސް މުޢިއްޒު
                    

މި ލިޔުން ކިޔާލުމުން

Ads by MSS