ރައީސް މުޢިއްޒު މެޒޯ މުޙައްމަދު ނިޔާވުމުން ތަޢުޒިޔާ ވިދާޅުވެއްޖެ

ދިވެހިރާއްޖޭގެ ރައީސުލްޖުމްހޫރިއްޔާ މުޙައްމަދު މުޢިއްޒު ، ފަންނާނު މުޙައްމަދު މާޖިދު (މެޒޯ މުޙައްމަދު) ނިޔާވުމާ ގުޅިގެން އެ މަރުޙޫމްގެ ޢާއިލާއަށް ތަޢުޒިޔާ ވިދާޅުވެއްޖެއެވެ.

ރައީސް މުޢިއްޒު އެކްސް މެދުވެރިކޮށް ކުރެއްވި ޕޯސްޓުގައި މަރުޙޫމް މުޙައްމަދު މާޖިދުގެ ޚިދުމަތްތަކަށް އިޝާރާތްކުރައްވައި، އޭނާގެ ހުނަރުވެރިކަމަށް ތަޢުރީފު ކުރެއްވިއެވެ.

ރައީސް މުޢިއްޒު ވިދާޅުވި ގޮތުގައި މަރުޙޫމް މުޙައްމަދު މާޖިދަކީ ފަންނާއި މުނިފޫހިފިލުވުމުގެ ދާއިރާއަށް 45 އަހަރަށް ވުރެ ދިގު މުއްދަތަކަށް ޚިދުމަތް ކުރައްވާފައިވާ ބޭފުޅެކެވެ. މީގެ އިތުރުން، ދިވެހި އަމިއްލަ ފަންނީ ބައެއް އުފެއްދުންތައް އުފެއްދުމުގައި ވެސް މަޤްބޫލު ހުނަރުވެރިކަމެއް ދައްކަވާފައިވާ ކަމަށް ރައީސް ފާހަގަކުރެއްވިއެވެ.

ރައީސް މުޢިއްޒު އެ މަރުޙޫމްގެ ޢާއިލާއަށް ތަޢުޒިޔާ ރައްދުކުރައްވައި، މާތްﷲގެ ރުއްސެވުމާއި ފުއްސެވުމުގައި، ސުވަރުގޭގެ ދާއިމީ ނިޢުމަތުގައި މަރުޙޫމް މުޙައްމަދު މާޖިދު ލެހެއްޓުމަށްއެދި ދުޢާ ކުރެއްވިއެވެ.