Ads by Exprox

ޚަބަރު

މި ރޯދަމަހު ވެސް ކަރަންޓު ބިލުންނާއި ފެންބިލުން ޑިސްކައުންޓު ދެނީ

މި ރޯދަމަހު ވެސް ކަރަންޓު ބިލުންނާއި ފެންބިލުން ޑިސްކައުންޓު ދެނީ

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ކުޑަހުވަދޫގެ ރައްޔިތުންނާ ބައްދަލުކުރެއްވުން---

މިފްތާޙް މުޙައްމަދު

މިފްތާޙް މުޙައްމަދު

24 ފެބްރުއަރީ 2025، 12:00

24 ފެބްރުއަރީ 2025، 12:00

ކުރީ ރޯދަމަހެކޭ އެއްގޮތަށް، މި އަހަރުގެ ރޯދަމަހުގައި ވެސް، ކަރަންޓު ބިލުންނާއި ފެންބިލުން ޑިސްކައުންޓު ލިބޭނެކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ. އެ މަނިކުފާނު މިހެން ވިދާޅުވީ ކުޑަހުވަދޫ ރައްޔިތުންނާ ބައްދަލުކުރެއްވުމަށް ބޭއްވެވި ޖަލްސާގައެވެ.

މި މަޢުޟޫއަށް ވާހަކަފުޅު ކުރިޔަށް ގެންދަވަމުން ރައީސުލްޖުމްހޫރިއްޔާ ވަނީ، މަސްދަޅު ކޭހާ ގުޅިގެން ބައެއް ފަރާތްތަކުން ފެތުރި ދޮގު ޚަބަރު ކުށްވެރިކުރައްވާފައެވެ. އެގޮތުން އެ މަނިކުފާނު ވިދާޅުވީ، ދިވެހީންގެ ރޯދަ ހަދިޔާގެ ގޮތުގައި މަސްދަޅު ކޭސް ބެހުމަށްފަހު، އެކަމަށް ކުރި ޚަރަދު ކަރަންޓު ބިލުންނާއި ފެން ބިލުން ނަގާނެކަމަށް ބުނެ ފެތުރި ވާހަކަތައް ދޮގުކުރައްވާފައެވެ.

ރައީސުލްޖުމްހޫރިއްޔާ ވިދާޅުވީ، ސަރުކާރުން އެފަދަކަމެއް ނުކުރާނެކަމަށެވެ.

ފުރަތަމަ ކޮން ވާހަކައެއްތޯ ދެކެވުނީ. މަސްދަޅު ކޭހުން ވަކިވަރަކަށް މަސް މަދުކޮށްފައޭ އަޅުގަނޑުމެން ދެނީ. އެކަން ހަޤީގަތަކަށް ނުވި. ދެން މަސްދަޅުގެ މަތިގަނޑު ހުރީ އަތުން ނެއްޓޭ ގޮތަކަށް ނޫނޭ. އެކަން ވެސް ވީ ދޮގަކަށް. ސަރުކާރުގެ މި މަސައްކަތާ ގުޅިގެން ދެކެވުނު ބައެއް ދޮގު ވާހަކަތަކަށް އަލިއަޅުވާލައްވައި ރައީސުލްޖުމްހޫރިއްޔާ ވިދާޅުވިއެވެ.

ނަމަވެސް ސަރުކާރުގެ ވިސްނުންފުޅަކީ ރައްޔިތުންނަށް އަބަދުވެސް ލުއި ގޮތްތަށް ހޯއްދަވައި ދެއްވުންކަމަށް ރައީސުލްޖުމްހޫރިއްޔާ ވިދާޅުވިއެވެ.

އަޅުގަނޑު މިވާހަކަ މީގެކުރިންވެސް ވާނީ ދަންނަވާފައި. މިދިޔަ އަހަރުގެ 8 ޑިސެމްބަރުގައި އއ. މަތިވެރީގައި ވާހަކަ ދައްކަމުން އަޅުގަނޑު ދެންނެވިން ކުރީ ރަމަޟާންމަހު ދިންގޮތަށް މި ފަހަރުވެސް ރަމަޟާންމަހުވެސް ކަރަންޓު ބިލުންނާއި ފެން ބިލުން ޑިސްކައުންޓް ދޭނަމޭ. ހަމައެކަން އެގޮތަށް ކުރިއަށްގެންދާނަން.

ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާގެ ވާހަކަފުޅުގައި ވަނީ ދޮގު ވާހަކަތައް ފެތުރުމާއި އެކަމުގެ ސަބަބުން މުޖްތަމަޢާއި ޤައުމަށް އޮތް ނުރައްކަލުގެ މައްޗަށްވެސް އަލިއަޅުއްވާލައްވާފައެވެ. އެހެންކަމުން އެފަދަ ކަންކަމަށް ހޭލުންތެރިވެ، ދުރުހެލިވެ ހުރުމަށް ރައްޔިތުންގެ ކިބައިން ރައީސުލްޖުމްހޫރިއްޔާ އެދިވަޑައިގެންނެވިއެވެ.

މި ލިޔުން ކިޔާލުމުން

Ads by MSS