އެސްޓޯނިއާގެ މިނިވަންދުވަހުގެ މުނާސަބަތުގައި ރައީސުލްޖުމްހޫރިއްޔާ ތަޙުނިޔާ ފޮނުއްވައިފި

އެސްޓޯނިއާގެ މިނިވަންދުވަހުގެ މުނާސަބަތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ތަޙުނިޔާ ފޮނުއްވައިފިއެވެ.

އެ ޤައުމުގެ 106ވަނަ މިނިވަން ދުވަހުގެ މުނާސަބަތުގައި ރައީސުލްޖުމްހޫރިއްޔާ ވަނީ ރައީސް އަލާރް ކާރިސްއަށާއި ބޮޑުވަޒީރު ކަޔާ ކަލާސްއަށް ވަކިވަކިން ތަޙުނިޔާ ފޮނުއްވައިފައެވެ.

އަދި ރައީސުލްޖުމްހޫރިއްޔާ މި ފަހުން އެސްޓޯނިއާއަށް ކުރެއްވެވި ރަސްމީ ދަތުރުފުޅުގެ ސަބަބުން ދެ ޤައުމުގެ ދެމެދުގައި ގާތް ގުޅުމެއް އުފެދިފައިވާކަމަށާއި، އަދި މި ސިޔާސީ ގުޅުން ކުރިޔަށް އޮތް ދުވަސްތަކުގައި އިތުރަށް ވަރުގަދަވެގެންދާނެކަމަށް ޤަބޫލުފުޅުކުރައްވާ ކަމުގައި ވިދާޅުވިއެވެ.

My warmest greetings to President @AlarKaris, Prime Minister @KristenMichalPM and the people of Estonia on their Independence Day. 🇪🇪

My recent visit to Estonia marked a significant turning point in the partnership between our countries, and I am confident that our bilateral… pic.twitter.com/fw8SmwUV2A

— Dr Mohamed Muizzu (@MMuizzu) February 24, 2025

ރައީސުލްޖުމްހޫރިއްޔާގެ މެސެޖުތައް ނިންމަވާލައްވާފައިވަނީ އެސްޓޯނިއާގެ ރައީސަށާއި ބޮޑުވަޒީރަށް ދުޅަހެޔޮ ޞިއްޙަތަކަށް އެދިވަޑައިގެން، އެޤައުމުގެ ރައްޔިތުންނަށް ފާގަތިކަމާއި ކުރިއެރުމަށް އެދިވަޑައިގަންނަވަމުންނެވެ.

ރައީސުލްޖުމްހޫރިއްޔާ އެސްޓޯނިއާއަށް ވަޑައިގެންނެވީ މިދިޔަ މަހުގެ 13 އިން 16 އަށެވެ. މި ދަތުރުފުޅުގައި ރައީސުލްޖުމްހޫރިއްޔާ ވަނީ، އެސްޓޯނިއާގެ ރައީސް، ޤާނޫނު ހަދާ މަޖިލީހުގެ ރައީސް، ބައެއް ވަޒީރުން އަދި ޓާރްޓޫގެ މޭޔަރާއި އެ ޤައުމުގެ ދާރިސުން ފަދަ އެސްޓޯނިއާގެ ލީޑަރޝިޕްގެ އިސް ވެރިންނާއެކު ތަފާތު މަޝްވަރާތައް ކުރިއަށްގެންދަވާފައެވެ. މި ބައްދަލުވުންތަކުގައި މައިގަނޑުގޮތެއްގައި މަޝްވަރާކުރައްވާފައިވަނީ އިސްތިރާޖުތައް ފައްތަރުލުމާއި، ދެ ޤައުމުން އެކުގައި މަސައްކަތްކުރެވިދާނޭ ދާއިރާތަކާމެދުގައެވެ.