މާއެނބޫދޫގައި ރައީސުލްޖުމްހޫރިއްޔާ އޭޓީއެމްގެ ޚިދުމަތް ފައްޓަވައިދެއްވައިފި

 ދ. މާއެނބޫދޫގައި ބޭންކް އޮފް މޯލްޑިވްސް، ބީއެމްއެލްގެ ސެލްފް ސަރވިސް އޭޓީއެމެއްގެ ޚިދުމަތް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ރަސްމީކޮށް ފަށްޓަވައިދެއްވައިފިއެވެ.

ދިވެހިރާއްޖޭގައި މީހުން އުޅޭ ހުރިހައި ރަށެއްގައި އޭޓީއެމް ބެހެއްޓުމަށް ރައީސުލްޖުމްހޫރިއްޔާ ގެންގުޅުއްވާ ސިޔާސަތުގެ ތެރެއިން، މާއެނބޫދޫގައި ޤާއިމުކޮށްފައިވާ އޭޓީއެމް ހުޅުވައިދެއްވާފައި ވަނީ ރައީސުލް ޖުމްހޫރިއްޔާ މިވަގުތު މާޅޮސްމަޑުލު އުތުރުބުރިޔަށް ކުރަށްވަމުން ގެންދަވާ ދަތުރުފުޅުގެ ތެރެއިން، އެ އަތޮޅުގެ މާ އެނބޫދޫއަށް ވަޑައިގެންނެވެ. 

މާއެނބޫދޫގައި ބީއެމްއެލެއްގެ ޚިދުމަތް ފަށްޓަވައިދެއްވުމަށްފަހު، އެ މަނިކުފާނު ވަނީ އެ އޭޓީއެމް ޚިދުމަތް ބޭނުންކުރަށްވާ ފައިސާ ނަންގަވާފައެވެ. ފައިސާ ނެގުމަށް އެ މަނިކުފާނު ބޭނުންކުރެއްވި ކާޑު ޑޮކްޓާރ މުޢިއްޒު ވަނީ މާއެނބޫދޫގެ ކައުންސިލާ ޙަވާލުކޮށްފައެވެ.  އެގޮތުން މިކާޑާއި މާއެނބޫދޫ ކައުންސިލުގެ ފަރާތުން ހަވާލުވެވަވަޑައިގެންނެވީ އެ ރަށު ކައުންސިލް ރައީސް ޔޫސުފް ސަޢީދެވެ.

މިއީ ސަރުކާރުން ރައީސުލްޖުމްހޫރިއްޔާގެ އިސްނެންގެވުމުގެމަތިން ދިވެހި ރައްޔިތުންނަށް ބޭންކިން ޚިދުމަތް، ގާތުން، ފަސޭހައިން، ލުއިކޮށް ދިނުމަށްޓަކައި ބޭންކް އޮފް މޯލްޑިވްސް އިން ކުރަމުންދާ މަސައްކަތް އަޅުގަނޑު ފާހަގަކުރަން. މިމަސައްކަތް ކުރިއަށް ގެންދަން މާއެނބޫދޫ ކައުންސިލާއި އިޤްތިޞާދީ ވުޒާރާއާއި އަދި އިދާރީ ދައިރާތައް ހިންގުމާ ބޭހޭ ވުޒާރައިން ދެއްވި އެއްބާރުލުމަށް ޝުކުރު ދަންނަންވަން.

ބޭންކް އޮފް މޯލްޑިވްސްގެ ސީއީއޯ މުހައްމަދު ޝަރީފް ވިދާޅުވިއެވެ.

މި އަހަރުގެ ނިޔަލަށް ރާއްޖޭގައި މީހުން ދިރިއުޅޭ ހުރިހާ ރަށެއްގައި އޭޓީއެމްގެ ޚިދުމަތް ޤާއިމުކުރަމަށް ސަރުކާރުން ދަނީ ގިނަ މަސައްކަތްތަކެއް ކުރައްވަމުންނެވެ.