ރިނބުދޫގެ ރަންރިހީގެ މަސައްކަތް ކުރިއެރުވުމަށް އެމްކިއުއޭގެ ސެޓިފިކެޓް ދެނީ

މޯލްޑިވްސް ކޮލިފިކޭޝަން ޤަބޫލުކުރާ ފެންވަރަށް ރަންރިހީގެ މަސައްކަތް ރިނބުދޫގައި ކުރެވޭނެ ނިޒާމެއް ހަމަޖައްސައި ދެއްވާނަންކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. 

ރިނބިދޫ އަކީ ރަނރިހީގެ މަސައްކަތަށް މަޝްހޫރު، އެކަމުގެ ހުނަރުވެރިން ތިބި، ނަމަވެސް އާބާދީ ކުޑަވުމާއި، ޒުވާނުން މިދާއިރާއަށް ޝައުގުވެރިވާ މިންވަރު މަދުކަމުން މި މަސައްކަތް އުވިދިޔަ ނުދީ ކުރިއަރުވަން ރައްޔިތުން ބޭނުންވާ ރަށެއްކަމުގައި ރައީސް ފާހަގަކުރަށްވާފައިވެއެވެ. މިގޮތުން، މި މަސައްކަތަކީ ދިވެހިންގެ މަސައްކަތްތެރިކަމުގެ ތާރީޚާ ވެސް ގުޅިފައިވާ މަސައްކަތަކަށް ވީތީ މި މަސައްކަތް ދިރުވާ އާލާކުރުމަށް ގިނަ މަސައްކަތްތަކެއް ކުރަށްވާނެކަމަށް ޑރ، މުޙައްމަދު މުޢިއްޒު މިއަދު ދެއްކަވި ވާހަކަފުޅުގައި ބަޔާންކުރައްވާފައިވެއެވެ. 

އަޅުގަނޑުގެ ވިސްނުމަކީ މިރަށުގައި ކޮލިފިކޭޝަން އޮތޯރިޓީއިން ކަނޑައަޅާ ސެޓްފިކެޓް ލިބޭގޮތަށް ރަންރިހީގެ އަތްތެރި މަސައްކަތް ދަސްކޮށްދެވޭނެ ނިޒާމެއް ޤާއިމްކޮށް ދިނުން – ރައީސުލްޖުމްހޫރިއްޔާ#RayyithunGaathah #DhaaluVisit pic.twitter.com/reHo7nccqE

— The President's Office (@presidencymv) February 25, 2025

ރައީސް ވިދާޅުވީ އެމަނިކުފާނުގެ ވިސްނުމަކީ މޯލްޑިވްސް ކޮލިފިކޭޝަން އޮތޯރިޓީން ސެފިކެޓް ލިބޭނެގޮތަށް އެ މަސައްކަތް ދަސްކޮށްދޭނެ މަރުކަޒެއް ޤާއިމްކުރުންކަމަށެވެ. އެކަމުގައި ރައްޔިތުންގެ އެއްބާރުލުމަށް ރައީސް އެދިވަޑައިގަންނަވަމުން، މިއީ ރަށުގެ އިޤްތިޞާދަށް ގިނަ ފައިދާތަކެއް ކުރާނެކަމެއްކަން ރައީސް ފާހަގަކުރެއްވިއެވެ.

ރިނބުދޫއަކީ ރަންރިހީގެ މަސައްކަތުގައި ރާއްޖޭގެ އެންމެ މަޝްހޫރު ރަށެކެވެ.