މި ހަފްތާ ނިމުމުގެ ކުރިން ފްލެޓް ލިސްޓު ނެރޭނެކަމުގެ ޔަޤީންކަން ދީފި

މި ހަފްތާ ނިމުމުގެ ކުރިން ފްލެތު ލިސްޓު ނެރުއްވާނެކަމުގެ ޔަޤީންކަން ރައިސް ޑރ. މުހައްމަދު މުއިއްޒު ދެއްވައިފިއެވެ. 

ރައީސް މިހެން ވިދާޅުވެފައި ވަނީ މިވަގުތު އެމަނިކުފާނު ރ އަތޮޅަށް ކުރަށްވަމުން ގެންދަވާ ދަތުރުފުޅުގެ ތެރެއިން އެ އަތޮޅު މީދޫއަށް ވަޑައިގެން އެރަށު ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައެވެ.

މި ބައްދަލުވުމުގައި ރައީސުލް ޖުމްހޫރިއްޔަ ދެއްކެވި ވާހަކަފުޅުގެ ތެރޭގައި، ޒްލެޓު ލިސްޓުގެ މައްސަލަ މިހާރު ހައްލުކުރެވިފައިވާކަމަށާއި، ލަސްކުރުމެއް ނެތި މި ހަފްތާގެތެރޭގައި އެ ލިސްޓު ނެރުއްވާނެކަމުގެ ޔަޤީންކަން އެ މަނިކުފާނު ދެއްވާފައިވެއެވެ. 

މީގެއިތުރުން، ގުޅުފަޅު ލޭންޑް ޔޫޒް ޕްލޭނަށް މިހާރު ބަދަލުގެނެވިފައިވާކަމަށާއި، ގޯތި ލިބޭ މީހުންނަށް، ކަޑަޖަހައި، އިންވަކިކޮށް، ގޯތި ހަވާލުކުރުމުގެ މަސައްކަތް ވެސް ކުރިއަށް އޮތް ދެތިން މަސްދުވަސް ތެރޭގައި ކުރިއަށްގެންދަވާނޭ ކަމުގެ ޔަޤީންކަން ރައީސް ވަނީ ދެއްވާފައެވެ.