Ads by Exprox

ޚަބަރު

ސްޕްރީމް ކޯޓުގެ ފަނޑިޔާރުގެ މައްސަލަ މަޖިލީހުގެ ޖުޑީޝަރީ ކޮމެޓީއަށް ފޮނުވައިފި

ސްޕްރީމް ކޯޓުގެ ފަނޑިޔާރުގެ މައްސަލަ މަޖިލީހުގެ ޖުޑީޝަރީ ކޮމެޓީއަށް ފޮނުވައިފި

އަލްއުސްތާޛު ޙުސައިން ޝަހީދު ---

މިފްތާޙް މުޙައްމަދު

މިފްތާޙް މުޙައްމަދު

18 މާރިޗު 2025، 12:02

18 މާރިޗު 2025، 12:02

ސްޕްރީމް ކޯޓުގެ ފަނޑިޔާރުކަމުގެ މަޤާމަށް އަލްއުސްތާޛު ޙުސައިން ޝަހީދު އައްޔަންކުރެއްވުމުގެ މައްސަލަ ދިރާސާކުރުމަށް ރައްޔިތުންގެ މަޖިލީހުގެ ޖުޑީޝަރީ ކޮމިޓީއަށް ފޮނުވައިފިއެވެ.

އަލްއުސްތާޛު ޙުސައިން ޝަހީދު ސްޕްރީމް ކޯޓުން ހުސްވެފައިވާ ފަނޑިޔާރުކާމުގެ މަޤާމަށް އައްޔަނުކުރުމަށް ނިންމެވީ، އެކަމަށް ޖުޑީޝަލް ސާރވިސް ކޮމިޝަން، ޖޭއެސްސީއިން އިރުޝާދުދެއްވާފައިވާތީކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ރައްޔިތުންގެ މަޖޖިލީހަށް މި މައްސަލާގައި ފޮނުއްވި ސިޓީފުޅުގައި ވެއެވެ.

މި މަޤާމު ހުސްވެފައިވަނީ، އެ މަޤާމުގައި ކުރިން ހުންނެވި ހުސްނުއްސުޢޫދު އިސްތިއުފާ ދެއްވުމާ ގުޅިގެންނެވެ. ހުސްނުއްސުޢޫދު އިސްތިއުފާ ދެއްވިއިރު ޖޭއެސްސީއިން ދިޔައީ އެ ބޭފުޅާގެ ކޮރަޕްޝަންގެ މައްސަލަތަކެއް ބަލަމުންނެވެ. 

ހުސްވެފައިވާ ފަނޑިޔާރުކަމުގެ މަޤާމަށް ދެ ފަހަރެއްގެ މަތިން ކުރިމަތިލުމަށް ހުޅުވާލުމުން ކުރުމަތިލައްވާފައިވަނީ ހައިކޯޓުގެ އިސް ފަނޑިޔާރު އަލްއުސްތާޛު ޙުސައިން ޝަހީދުގެ އިތުރުން ސިވިލް ކޯޓުގެ ޤާޟީކަން ކުރިން ކުރައްވާފައިވާ މަރްޔަމް ނިހާޔަތާއި ގާނޫނީ ވަކީލެއް ކަމަށްވާ ރުސްދުﷲ އިބްރާހީމެވެ. 

ސުޕްރީމް ކޯޓަށް ފަނޑިޔާރުން އައްޔަންކުރާ އުޞޫލު ބަޔާންކުރާގޮތުގައި ރައީސުލްޖުމްހޫރިއްޔާއަށް ޖޭއެސްސީން ލަފާއެރުއްވުމުން އެބޭފުޅެއްގެ ނަން ރައީސުލްޖުމްހޫރިއްޔާ މަޖިލީހަށް ފޮނުއްވަން ޖެހިވަޑައިގަންނަވާނެއެވެ. އަދި އެ ބޭފުޅަކު ފަނޑިޔާރުކަމަށް އައްޔަން ކުރެވޭނީ މަޖިލީހުން ރުހުން ލިބިވަޑައިގަތުމަށްފަހުއެވެ.

މި ލިޔުން ކިޔާލުމުން

Ads by MSS