ޚަބަރު
ޓިއުނީޝިއާގެ މިނިވަން ދުވަހުގެ ތަޙުނިޔާ ރައީސުލްޖުމްހޫރިއްޔާ ފޮނުއްވައިފި

ޓިއުނީޝިއާގެ މިނިވަން ދުވަހަކީ މާޗު މަހުގެ 20ވަނަ ދުވަސް ---

ފަރުދުން
20 މާރިޗު 2025، 12:15
20 މާރިޗު 2025، 12:15
ޓިއުނީޝިއާގެ މިނިވަން ދުވަހުގެ ތަޙުނިޔާ އެ ޤައުމުގެ ރައީސް، ޤައިސް ސަޢީދާއި ބޮޑުވަޒީރު ކަމާލް މަދަވްވަރީއަށް، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ފޮނުއްވައިފިއެވެ.
ރައީސުލްޖުމްހޫރިއްޔާގެ މެސެޖުގައި ވިދާޅުވީ، ދިވެހި ސަރުކާރާއި ރައްޔިތުންގެ ނަމުގައި ތަހުނިޔާ އާއި ހެޔޮ އެދުންތައް ފޮނުއްވާކަމަށެވެ.
ޓިއުނީޝިއާގެ ރައީސާއި ބޮޑުވަޒީރަށް ވަކިވަކީން ފޮނުއްވެވި ތަހުނިޔާގެ މެސެޖުގައި، ރައީސުލްޖުމްހޫރިއްޔާ ވަނީ އެ ދެ ބޭފުޅުންނަށް ދުޅަހެޔޮ ޞިއްޙަތަކާއި އުފާފާގަތިކަމަށް އެދިވަޑައިގެންފައެވެ. އަދި، ޓިއުނީޝިއާގެ ރައްޔިތުންނަށް އަމަންއަމާންކަމާއި ކުރިއެރުމާއި ފާގަތިކަމަށް އެދިވަޑައިގަންނަވާ ކަމަށްވެސް އެމަނިކުފާނު ފޮނުއްވެވި މެސެޖުގައި ވިދާޅުވިއެވެ.
ކޮންމެ އަހަރެއްގެވެސް މާޗު މަހުގެ 20ވަނަ ދުވަސް ފާހަގަކުރަނީ ޓިއުނީޝިއާގެ މިނިވަން ދުވަހުގެ ގޮތުގައެވެ. އެ ޤައުމަށް މިނިވަންކަން ލިބުނީ 20 މާޗު 1956 ގައެވެ.