ޚަބަރު
މިޔަންމާއަށް އައި ބިންހެލުމާއި ގުޅިގެން ރާއްޖެއަށް ނުރައްކަލެއް ނެތް: މެޓް އޮފީސް
މިޔަންމާއަށް އައި ބިންހެލުމާއި ގުޅިގެން ގެއްލުންވި ސަރަހައްދެއް/ފޮޓޯ: ރޮއިޓަރސް
މިޔަންމާއަށް މިއަދު އައިސްފައިވާ ބާރުގަދަ ބިންހެލުމުގެ އަސަރު ރާއްޖެއަށް ކުރާނެކަމަށް ނުބެލެވޭކަމަށް މޫސުމާ ބެހޭ ޤައުމީ އިދާރާއިން ވިދާޅުވެއްޖެއެވެ.
މޫސުމާ ބެހޭ ޤައުމީ އިދާރާއިން ވިދާޅުވީ، ރާއްޖޭގެ ގަޑިން މިއަދު 11:32 ހާއިރު އައިސްފައިވާ މި ބިންހެލުމަކީ 7.6 މެގްނިޓިއުޑްގެ ބާރުމިނުގައި އައިސްފައިވާ ބިންހެލުމެއް ކަމަށެވެ. ނަމަވެސް މި ބިންހެލުމުގެ އަސަރު ރާއްޖެއަށް ކުރާނެ ކަމަށް ނުފެންނަކަމަށް އެ އިދާރާއިން ވަނީ ވިދާޅުވެފައެވެ.
މީގެ އިތުރުން މޫސުމާ ބެހޭ ޤައުމީ އިދާރާއިން ވިދާޅުވީ، މިޔަންމާގައި ބިންހެލުން އައިސްފައިވާ ސަރަޙައްދާއި މާލެއާއި ދެމެދު 3121 ކިލޯމީޓަރުގެ ދުރުމިނެއް ހުރި ކަމަށެވެ. އަދި މި ބިންހެލުމުގެ ސަބަބުން ރާއްޖެއަށް ނުރައްކާވާނެކަމަށް ނުބެލެވޭކަމަށް އެ އިދާރާއިން ވަނީ ވިދާޅުވެފައެވެ.
ޔޫއެސް ޖިޔޮލޮޖިކަލް ސަރވޭ، ޔޫއެސްޖީއެސް އިން ބުނީ، މިޔަންމާގެ މެދުތެރޭގެ ސަރަޙައްދުތަކަށް އައިސްފައިވާ ބިންހެލުން ރެކޯޑު ކުރެވިފައި ވަނީ ރިކްޓަރ މިންގަނޑުން 7.7ގައި ކަމުގައެވެ. އަދި މި ބިންހެލުމުގެ ލޮޅުންތަކުގެ އަސަރު މިޔަންމާއާ އިންވެގެެން އޮތް ތައިލެންޑުގެ ވެރިރަށް ބެންގކޮކްގެ އިތުރުން ޗައިނާގެ ޔުންނާން ޕުރޮވިންސުގެ ބައެއް ރަށްތަކަށް ވެސް ވަނީ ފޯރާފައެވެ.
An Earthquake of magnitude 7.6 has occurred in Myanmar. There is no threat to Maldives. pic.twitter.com/kP9d8SteiY
— Maldives Meteorology (@MetMaldives) March 28, 2025
