ރައީސް މުޢިއްޒު ލިވަޕޫލްގެ އަކްސާ ޓްރެއިނިންގ ސެންޓަރަށް ޒިޔާރަތްކުރައްވައިފި

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، އިނގިރޭސިވިލާތުގެ ލިވަޕޫލް ސިޓީގައި ހުންނަ އަކްސާ ޓްރެއިނިންގ ސެންޓަރަށް މިއަދު ޒިޔާރަތްކުރައްވައި، އެތަނުގެ ފުޓުބޯޅަ ކޯޗިންގ އަދި ތަމްރީނު ޕްރޮގްރާމްތައް ބައްލަވާލައްވައިފިއެވެ.

މި ޒިޔާރަތުގައި ރައީސް މުޢިއްޒު ވަނީ އެންމެ ފަހުގެ ވަސީލަތްތަކާއެކު ޒަމާނީ ފެންވަރަށް ތަރައްޤީކޮށްފައިވާ މި ސެންޓަރުގެ އެކި ދާއިރާތައް ބައްލަވާލައްވާފައެވެ. އަދި ދިވެހިރާއްޖޭގެ ފުޓުބޯޅައިގެ ތަރައްޤީއަށް ކުރެވިދާނެ ކަންކަމާއި، ކުރިއަރަމުންދާ އުންމީދީ ކުޅުންތެރިންނަށް ފުރުޞަތުތައް ފަހިކޮށްދެވޭނެ ގޮތްތަކާ ބެހޭގޮތުން މަޢުލޫމާތު ހޯއްދަވާފައިވެއެވެ.

H.E. President Dr @MMuizzu visits the AXA Training Centre in Liverpool, United Kingdom, where he received a guided tour and observed best practices in football training and coaching.

This visit is part of a broader Maldives tourism promotion campaign in collaboration with @LFC,… pic.twitter.com/fmH4ZgPrJZ

— The President's Office (@presidencymv) April 2, 2025

ރައީސް މުޢިއްޒު އިނގިރޭސިވިލާތަށް ކުރައްވާ މި ދަތުރުފުޅަކީ، ލިވަޕޫލް ފުޓްބޯލް ކްލަބް (އެލް.އެފް.ސީ) އާއި މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް ކޯޕަރޭޝަން (އެމް.އެމް.ޕީ.އާރު.ސީ) / ވިޒިޓް މޯލްޑިވްސްއާ ގުޅިގެން، ދިވެހިރާއްޖޭގެ ފަތުރުވެރިކަން އިސްތިހާރުކުރުމަށް ކުރިއަށްގެންދާ ކޯ-ބްރޭންޑިންގ ކެމްޕޭން ފެށުމުގެ ހަރަކާތުގައި ބައިވެރިވެވަޑައިގަތުމަށް ކުރައްވާ ދަތުރުފުޅެކެވެ.