ޚަބަރު
ރާއްޖޭގެ ދެކުނުގެ ރަށްތަކަށް މިރޭ ވިއްސާރަ ކުރާނެ: މެޓް އޮފީސް

މާލެއަށް ވިއްސާރަކުރުން/ފޮޓޯ: އެޓޯލް ޓައިމްސް
ރާއްޖޭގެ ދެކުނުގެ ރަށްތަކަށް މިރޭ ވިއްސާރަ ކުރާނެކަމަށް ލަފާކުރެވޭކަމަށް މޫސުމާ ބެހޭ ޤައުމީ އިދާރާ (މެޓް އޮފީސް) އިން ވިދާޅުވެއްޖެއެވެ.
މޫސުމާ ބެހޭ ޤައުމީ އިދާރާއިން ވިދާޅުވީ، މިރޭ ދެކުނުގެ ރަށްތަކަށް ވިއްސާރަ ކުރުމާއިއެކު ގުގުރާނެކަމަށް ލަފާކުރެވޭ ކަމަށެވެ. ހަމަ އެހެންމެ، ދެކުނުގެ އަތޮޅުތަކަށް ދެކުނާއި ހުޅަނގު ދެކުނުން އަދި އެހެން ހިސާބުތަކަށް އިރުދެކުނާއި ދެކުނުން ގަޑިއަކު ތިން މޭލާއި 13 މޭލާއި ދެމެދުގެ ބާރުމިނުގައި ވައިޖެހޭނެ ކަމަށް މެޓުން ވަނީ ވިދާޅުވެފައެވެ.
މީގެ އިތުރުން މޫސުމާ ބެހޭ ޤައުމީ އިދާރާއިން ވިދާޅުވީ، އުތުރާއި މެދު ރާއްޖެތެރޭގެ ރަަށްތަކަށް މޫސުން އާންމު ގޮތެއްގައި ރަނގަޅުވާނެކަމަށް ލަފާކުރެވޭ ކަމަށެވެ. އަދި ރާއްޖޭގެ ކަނޑުތައް އާދައިގެ ވަރަކަށް މަޑުވާނެކަމަށް މެޓް އޮފީހުން ވަނީ ވިދާޅުވެފައެވެ.