ފަލަސްޠީނުގެ ޣައްޒާގެ ނަސްލުނައްތާލުމާ ދެކޮޅަށް އައިސީޖޭގައި ކުރިއަށްދާ މައްސަލައަށް ދިވެހިރާއްޖެއިން ތަދައްޚުލުވާން ހުށަހަޅައިފި

އިންޓަރނޭޝަނަލް ކޯޓް އޮފް ޖަސްޓިސްގައި ކުރިއަށްދާ ދެކުނު އެފްރިކާ އިން ހުށައަޅައި އިސްރާއީލާއި ދެކޮޅަށް ކުރިއަށް ގެންދާ މައްސަލައަށް ދިވެހިރާއްޖެއިން ތަދައްޚުލުވުމަށް ނިންމިކަން ރައީސުލްޖުމްހޫރިއްޔާ ޑރ މުޙައްމަދު މުޢިއްޒު އިޢުލާނު ކުރައްވައިފިއެވެ. 

ރައީސް ޑރ މުޢިއްޒު އެކްސްގައި މިކަމާ ބެހޭ ގޮތުން ކުރައްވައިފައިވާ ޕޯސްޓެއްގައި ވިދާޅުވެފައިވަނީ އިޒްރާއީލުން ޣައްޒާގައި ހިންގާ ޤާނޫނާ ޚިލާފު ޢަމަލުތަކަށް ޖަވާބުދާރީވާން ޖެހޭ ކަމަށެވެ. އަދި ޤާނޫނުގެ ވެރިކަން ދަމަހައްޓަން ޖެހޭއިރު، އިޒްރާއީލުން ފަލަސްޠީނުގެ ރައްޔިތުންނާ ދެކޮޅަށް ހިންގާ ނަސްލު ނައްތާލުމުގެ ޢަމަލުތައް ހުއްޓާލަން ޖެހޭކަމަށްވެސް ރައީސް މުޢިއްޒު ވިދާޅުވިއެވެ. 

“ދިވެހިރާއްޖެ އަބަދުވެސް އޮންނާނީ އިންސާނިއްޔަތާއި ސުލްޙަ އާއި އިންސާފާއި އެއްކޮޅަށް، އެކަން ކުރުމުގައި އަޅުގަނޑުމެން ފަލަސްތީނުގެ ރައްޔިތުންނާ އެކުގައި ދެމިތިބޭނަށް” ރައީސް މުޢިއްޒު ވިދާޅުވެފައިވެއެވެ. 

https://twitter.com/MMuizzu/status/1841115030148038926

1967 ގެ ކުރިން އިރުމަތީ ގުދުސްގެ ވެރިރަށް ކަމުގައިވާ ބޯޑަރުތަކުގެ މައްޗަށް ބިނާކޮށް ފަލަސްޠީނު ބަލައިގަންނަން ޖެހޭ ކަމަށެވެ. 

ރައީސް ޑރ މުޢިއްޒު މިކަން އިޢުލާނު ކޮށްފައިވާއިރު މިމައްސަލައަށް ދިވެހިރާއްޖެގެ ފަރާތުން ތަދައްޚުލު ވުމަށް މި މައްސަލައަށް ދިވެހިރާއްޖެއިން ކަނޑައަޅާފައިވާ އޭޖެންޓް، ބަންޑާރަނައިބު އަލްއުސްތާޛު އަޙްމަދު އުޝާމްގެ ފަރާތުން މިއަދު އައިސީޖޭ އަށް ވަނީ ހުށަހަޅައިފައެވެ.