މުދައްރިސުންނަކީ އުއްބައްތިތަކެއް ފަދަ ބައެއް: ރައީސް މުޢިއްޒު

މުދައްރިސުންނަކީ އުއްބައްތިތަކެއް ފަދަ ބައެއް ކަމަށް ރައީސުލްޖުމްހޫރިއްޔާ ޑރ މުޙައްމަދު މުއިއްޒު ވިދާޅުވެއްޖެއެވެ.

ރައީސުލްޖުމްހޫރިއްޔާ ޑރ މުޙައްމަދު މުޢިއްޒު މިހެން ވިދާޅުވީ މިއަދު ފާހަގަކުރެވެމުންދާ ބައިނަލް އަޤްވާމީ މުދައްރިސުންގެ ދުވަހުގެ މުނާސަބަތުގައި އެކްސްގައި ކުރެއްވެވި ޕޯސްޓެއްގައެވެ.

އެކްސްގައި ރައީސް ޑރ މުއިއްޒު ކުރައްވައިވައިފައިވާ ޕޯސްޓުގައި ވިދާޅުވެފައިވަނީ މުދައްރިސުންނަކީ އުށްބައްތިތަކެއް ފަދަ ބައެއް ކަމަށެވެ.

އަދި އުށްބައްތި އެހެން މީހުންނަށް އަލިކޮށްދިނުމަށްޓަކައި ވިރިގެންދާ ކަމަށާއި، އޭގައިވަ ހުޅުކޮޅުން އެތައް ހާސް ބައްތިއެއް ދިއްލައިލެވިދާނެ ކަމަށް ރައީސް މުޢިއްޒު ވިދާޅުވިއެވެ. އަދި އެއީ ކޮންމެ މީހަކު އެއަލިކަމުގެ ތެރެއިން ކުރިއަށް ދިޔުމަށްޓަކައި ކަމަށްވެސް ރައީސް ވިދާޅުވިއެވެ. 

https://twitter.com/MMuizzu/status/1842455294074614191

ސޯޝަލް މީޑީއާގައި މުދައްރިސުންގެ ދުވަހުގެ މުނާސަބަތުގައި ކުރެއްވެވި ޕޯސްޓުގެ އިތުރުން މިއަދު ރާއްޖެ އިސްލާމްވިދުވަހުގެ މުނާސަބަތުގައި ދެއްކެވި ވާހަކަފުޅުގައިވެސް ދިވެހި މުދައްރިސުންނާއި މުޚާތަބު ކުރައްވައި ވަނީ ވާހަކަފުޅު ދައްކަވައިފައެވެ.

އެގޮތުން ދިވެހިރާއްޖެ ގެދޮރާއި އުމްރާނީ ތަރައްޤީގެ ގޮތުން ބިނާކުރާ ފަދައިން، ފިކުރާ ސިކުނޑީގެ ގޮތުން ބިނާކުރައްވަން ބޭނުންފުޅުވާކަމަށް ރައީސް މުޢިއްޒު ވިދާޅުވިއެވެ. 

މީގެއިތުރުން ރައީސް މުޢިއްޒު ވިދާޅުވީ އިންސާނިއްޔަތާއި އަޚްލާޤާއި މާނަވީ ހަރުދަނާކަން އަދުގެ ޖީލުތަކުގައި އަށަގަންނަވަން ބޭނުންފުޅުވާކަމަށާއި، މި ކަމުގައި ދިވެހި ހުރިހައި މުދައްރިސުންގެ އެއްބާރުލުން ނިހާޔަތަށް ބޭނުން ފުޅުވާ ކަމަށާއި، ދިވެހި ދަރީން ދިވެހި ޤައުމިއްޔަތަށް އަހުލުވެރިކޮށްދެއެްވުމަށް ރައީސް ގޮވައިލެއްވިއެވެ.